ଭୁବନେଶ୍ବର: ଆଜି ରାଜ୍ୟରୁ ଆଉ ୯୭୯ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ସୂଚନା ଦେଇଛି।
ଆଜି ସର୍ବାଧିକ ଖୋର୍ଦ୍ଧାରୁ ୩୮୧, କଟକରୁ ୧୪୦, ଯାଜପୁରରୁ ୪୬, ବାଲେଶ୍ବରରୁ ୪୧, ନୟାଗଡରୁ ୩୬, ଜଗତସିଂହପୁରରୁ ୩୪, ପୁରୀରୁ ୩୪, ଭଦ୍ରକରୁ ୩୧, କେନ୍ଦ୍ରାପଡାରୁ ୨୦, ମୟୂରଭଞ୍ଜରୁ ୨୦, ସୁନ୍ଦରଗଡରୁ ୧୭, ସମ୍ବଲପୁରରୁ ୧୫, ବଲାଙ୍ଗୀରିରୁ ୯, କେନ୍ଦୁଝରରୁ ୯, ଅନୁଗୁଳରୁ ୮, କଳାହାଣ୍ଡିରୁ ୭, ଢେଙ୍କାନାଳରୁ ୬, ଗଞ୍ଜାମରୁ ୬, ରାୟଗଡାରୁ ୬, ବରଗଡରୁ ୫, ମାଲକାନଗିରିରୁ ୫, ଦେବଗଡରୁ ୪, ଗଜପତିରୁ ୪, ବୌଦ୍ଧରୁ ୩, କନ୍ଧମାଳାରୁ ୩, କୋରାପୁଟରୁ ୩, ଝାରସୁଗୁଡାରୁ ୨, ନୂଆପଡାରୁ ୨ ଏବଂ ଷ୍ଟେଟ ପୁଲରୁ ୮୨ ଜଣ ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି।
ଏହି ସୁସ୍ଥ ଆକ୍ରାନ୍ତଙ୍କୁ ମିଶାଇ ରାଜ୍ୟରେ ମୋଟ ୯ ଲକ୍ଷ ୮୪ ହଜାର ୨୨୪ ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ତେବେ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୧୦ ଲକ୍ଷ ୮୪ କୁ ବୃଦ୍ଧି ହୋଇଥିବାବେଳେ ଏବେ ସକ୍ରିୟ ଆକ୍ରାନ୍ତ ରହିଛନ୍ତି ୮ ହଜାର ୫୧୮ ଜଣ। ରାଜ୍ୟରେ ମୋଟ ମୃତକଙ୍କ ସଂଖ୍ୟା ୭ ହଜାର ୨୮୯ କୁ ବୃଦ୍ଧି ହୋଇଛି।
