ରାୟପୁର: ଛତିଶଗଡର ମାଓବାଦୀ ପ୍ରଭାବିତ ସୁକମା ଜଙ୍ଗଲରେ ନକ୍ସଲ ଏବଂ ଜବାନଙ୍କ ମଧ୍ୟରେ ଏକ ଭୀଷଣ ମୁକାବିଲା ଚାଲିଛି। ଖବର ଅନୁଯାୟୀ ସୁକମା ଜିଲ୍ଲାର କୋଣ୍ଟା ବ୍ଲକର ଗୋମପାଦ ଜଙ୍ଗଲରେ ଏହି ଏନକାଉଣ୍ଟର ଚାଲିଛି। ଏପର୍ଯ୍ୟନ୍ତ ଦୁଇଜଣ ନକ୍ସଲଙ୍କୁ ହତ୍ୟା କରାଯାଇଛି।
ଖବର ଅନୁଯାୟୀ, ଏହି ଏନକାଉଣ୍ଟର ସକାଳ ୫ ଟାରୁ ଚାଲିଛି। ଏନକାଉଣ୍ଟର ମଧ୍ୟରେ ପୋଲିସ ଉକ୍ତ ଅଞ୍ଚଳରେ ସର୍ଚ୍ଚ ଅପରେସନ ଆରମ୍ଭ କରିଛି। ଏଥିରେ ଜଣେ ନକ୍ସଲ କମାଣ୍ଡରଙ୍କ ମୃତ୍ୟୁ ଖବର ମଧ୍ୟ ରହିଛି। ଅଗଷ୍ଟ ୧୬ ତାରିଖରେ ଛତିଶଗଡର ବିଜାପୁର ଜିଲ୍ଲାରେ ନକ୍ସଲ କମାଣ୍ଡର କୁଞ୍ଜମଙ୍କ ଆତ୍ମସମର୍ପଣ ମଧ୍ୟ ମାଓବାଦୀଙ୍କ ପାଇଁ ଏକ ବଡ଼ ଝଟକା।
