ଭୁବନେଶ୍ବର: ରାଜ୍ୟରେ କରୋନା ସଂକ୍ରମଣ ଧୀରେ ଧୀରେ ହ୍ରାସ ପାଉଥିବା ବେଳେ ଶିଶୁ ଆକ୍ରାନ୍ତଙ୍କ ସଂଖ୍ୟାରେ ବୃଦ୍ଧି ଦେଖାଯାଉଛି। କ୍ରମାଗତ ଭାବେ ଏବେ ରାଜ୍ୟରେ ୦-୧୮ ବର୍ଷ ବର୍ଗର ପିଲାମାନଙ୍କ ସଂକ୍ରମଣ ସଂଖ୍ୟା ୧୦୦ ଉପରେ ରହୁଛି। ଯାହା ଫଳରେ ରାଜ୍ୟ ପାଇଁ ଚିନ୍ତା ବଢିଛି।
ତୃତୀୟ ଲହରରେ ଶିଶୁମାନେ ଅଧିକ ପ୍ରଭାବିତ ହେବେ ବୋଲି ବିଶେଷଜ୍ଞମାନେ ସତର୍କ କରିଛନ୍ତି। ତେବେ ରାଜ୍ୟ ସରକାର ତୃତୀୟ ଲହରକୁ ମୁକାବିଲା କରିବା ପାଇଁ ପ୍ରସ୍ତୁତି ଆରମ୍ଭ କରିଦେଇଛନ୍ତି। ଶିଶୁମାନଙ୍କୁ ସ୍ଵତନ୍ତ୍ର ସ୍ୱାସ୍ଥ୍ୟ ସେବା ଯୋଗାଇବା ପାଇଁ ରାଜ୍ୟ ସରାକର ବ୍ୟବସ୍ଥା କରୁଛି। ହେଲେ ଏହା ଭିତରେ ରାଜ୍ୟ ପାଇଁ ଏକ ଦୁଃଖଦ ଖବର ପହଞ୍ଚିଛି। କରୋନାରେ ୩ ମାସର ଜଣେ ଶିଶୁର ମୃତ୍ୟୁ ହୋଇଛି। ବଲାଙ୍ଗୀରି ଜିଲ୍ଲାର ୩ ମାସର ଶିଶୁକନ୍ୟାର ମୃତ୍ୟୁ ହୋଇଛି। ଏନେଇ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ସୂଚନା ଦେଇଛି।
