ପୁରୀ, ଆଜିଠାରୁ ତିନିଦିନ ପାଇଁ ଶ୍ରୀମନ୍ଦିରକୁ ସାଧାରଣ ଦର୍ଶନ ନିମନ୍ତେ ବନ୍ଦ କରାଯାଇଛି। କାରଣ ହେଲା ଶନିବାର ଏବଂ ରବିବାର ଦୁଇଦିନ ପୁରୀ ସହର ସପ୍ତାହନ୍ତ ସର୍ଟଡାଉନ ଘୋଷଣା କରାଯାଇଛି। ଫଳରେ ଏହି ଦୁଇଦିନ ସାଧାରଣ ଦର୍ଶନ ପାଇଁ ବାରଣ କରାଯାଇଛି।
ସେହିପରି ସୋମବାରଦିନ ଜନ୍ମାଷ୍ଠମୀ ପଡୁଛି। ସାଧାରଣତଃ ବିଭିନ୍ନ ପର୍ବପର୍ବାଣୀରେ ଭକ୍ତଙ୍କ ପ୍ରବଳ ଭିଡକୁ ଲକ୍ଷ କରି ସେଦିନ ଶ୍ରୀମନ୍ଦିର ବନ୍ଦ ନିଷ୍ପତି ମଧ୍ୟ କରାଯାଇଛି। ସେହି ଅନୁସାରେ ସୋମବାର ଜନ୍ମାଷ୍ଠମୀରେ ମଧ୍ୟ ଶ୍ରୀମନ୍ଦିର ସାଧାରଣ ଦର୍ଶନରୁ ବନ୍ଦ ରହିବ। ତେବେ ଭିତରେ ଶ୍ରୀଜିୟୁଙ୍କର ପୂଜାନୀତି ଯଥାରିତି ଚାଲିବ।
