ସମ୍ବଲପୁର, ଆଜି ସକାଳେ ଦୁଇଟି ଫର୍ଣ୍ଣିଚର ଦୋକାନ ଉପରେ ସମ୍ବଲପୁର ଭିଜିଲାନସ ଏବଂ ଜଙ୍ଗଲ ବିଭାଗର ମିଳିତ ଚଢାଉ କରିଛନ୍ତି। ବେଆଇନି ଭାବେ ଏହି ଦୁଇ ଦୋକାନରେ କାଠ କଟାଯିବା ସହିତ ବିନା ପରିମିଟ କାଠ ବ୍ୟବସାୟ କରୁଥିଲେ। ଏହି ଦୁଇଟି ୟୁନିଟ ହେଲା ହୀରାକୁଦ ଥାନା ଅଧିନରେ ଥିବା ମାଷ୍ଟରପଡା ଏବଂ ଲାର୍ରପଙ୍ଗ।
ଏହି ଦୁଇ ସ୍ଥାନରେ ଚଢାଉ ପରେ ସେଠାରୁ କାଠଚୁରା ମେସିନ ସହିତ ସାଗୁଆନ କାଠ ଜବତ କରାଯାଇଛି। ଯାହାର ମୂଲ୍ୟ ପ୍ରାୟ 36 ଲକ୍ଷ ଟଙ୍କା ହେବ ବୋଲି ଅନୁମାନ କରାଯାଇଛି। ଏ ନେଇ ସମ୍ବଲପୁର ଟାଉନ ରେଞ୍ଜରେ ଦୁଇଟି ପୃଥକ ମାମଲା ଋଜୁ କରାଯାଇଛି। ଏ ନେଇ ଅଧିକ ଖୋଳତାଡ ଚାଲିଛି।
