ଭୁବନେଶ୍ବର: ପୂର୍ବତଟ ରେଳପଥର ମହାପ୍ରବନ୍ଧକ ବିଦ୍ୟା ଭୂଷଣ ଆଜି ଭୁବନେଶ୍ୱରର ଚନ୍ଦ୍ରଶେଖରପୁର ଠାରେ ରେଳପଥର ଐତିହ୍ୟ ସଂଗ୍ରହାଳୟ “କଳିଙ୍ଗ ରେଳ ସଂଗ୍ରହାଳୟ” କୁ ଅତିରିକ୍ତ ମହାପ୍ରବନ୍ଧକ ସୁଧୀର କୁମାର ଏବଂ ଖୋର୍ଦ୍ଧା ରୋଡ଼ ରେଳ ମଣ୍ଡଳର ମଣ୍ଡଳ ରେଳବାଇ ପ୍ରବନ୍ଧକ ରିଙ୍କେଶ ରୟ ଓ ରେଳପଥର ଅନ୍ୟ ପ୍ରମୁଖ ବିଭାଗୀୟ ଅଧିକାରୀ ମାନଙ୍କ ଉପସ୍ଥିତିରେ କରିଛନ୍ତି।
ଭାରତୀୟ ରେଳ ବିଶେଷ ଭାବେ ପୂର୍ବ ତଟ ରେଳପଥର ଏକ ସମୃଦ୍ଧ ଏବଂ ଚମତ୍କାର ଇତିହାସ ରହିଛି। ରେଳପଥ ବିଷୟରେ ଅନେକ ଅକୁହା କାହାଣୀ ଅଛି। ଭୁବନେଶ୍ୱରରେ ରେଳ ସଂଗ୍ରହାଳୟ ପ୍ରତିଷ୍ଠା କରିବାର ଉଦ୍ଦେଶ୍ୟ ହେଉଛି ପୁରୁଣା ରେଳ ଉପକରଣର ସଂରକ୍ଷଣ, ଏହି ଅଞ୍ଚଳରେ ରେଳବାଇର ସମୃଦ୍ଧ ଇତିହାସ ପ୍ରଦର୍ଶନ କରିବା, ରେଳବାଇ ଏବଂ ଏହାର ସଫଳତା ବିଷୟରେ ଜନସାଧାରଣଙ୍କୁ ଆଲୋକିତ କରିବା ଏବଂ ପର୍ଯ୍ୟଟନକୁ ବୃଦ୍ଧି କରିବା। ପୂର୍ବ ତଟ ରେଳପଥର ସମୃଦ୍ଧ ଐତିହ୍ୟ ସହିତ ଭାରତୀୟ ରେଳବାଇର ଦୀର୍ଘ ଏବଂ ଜୀବନ୍ତ ଇତିହାସକୁ ବଞ୍ଚାଇ ରଖିବା ପାଇଁ ଏହି ରେଳ ସଂଗ୍ରହାଳୟରେ ପ୍ରୟାସ କରାଯାଇଛି।
ପୁରାତନ ଉପକରଣ, ଯନ୍ତ୍ର, ପ୍ରଯୁକ୍ତିବିଦ୍ୟା ଉପକରଣ ଏବଂ ମଡେଲଗୁଡିକ ମଧ୍ୟ ଏହି ଐତିହ୍ୟ ସଂଗ୍ରହାଳୟରେ କଳାକୃତି, ମଡେଲ ଏବଂ ଫଟୋଗ୍ରାଫ ଗୁଡିକର ଏକ ଚମତ୍କାର ପ୍ରଦର୍ଶନ ମାଧ୍ୟମରେ ସଂରକ୍ଷିତ କରାଯାଇଛି। ଭିତର ବିଭାଗରେ, ଭାରତର ରେଳବାଇର ପ୍ରଥମ ଦିନରୁ ବିଭିନ୍ନ ଦଲିଲ, ପୁରୁଣା ମାନୁଆଲ, ରେଳ ମାନଚିତ୍ର, ଉପକରଣ ଏବଂ ଫଟୋଗ୍ରାଫ୍ ପ୍ରଦର୍ଶିତ ହୋଇଛି ଯାହା ଦର୍ଶକଙ୍କୁ ଚମତ୍କାର ଇତିହାସ ଏବଂ ସମୃଦ୍ଧ ଐତିହ୍ୟ ଦର୍ଶାଇବାରେ ସହାୟତା କରିଛି। ଏଠାରେ ମଧ୍ୟ ବିଭିନ୍ନ ଡକ୍ୟୁମେଣ୍ଟାରୀ ସହିତ ରେଳବାଇ କର୍ମଚାରୀ ମାନଙ୍କର ପୋଷାକ ପ୍ରଦର୍ଶନ ପାଇଁ ବ୍ୟବହୃତ ବୃତ୍ତି ଓ କଳାକୃତି ପରିଦର୍ଶକଙ୍କ ଆକର୍ଷଣ ପାଇଁ ରଖାଯାଇଅଛି।
ଡାକଘର ଷ୍ଟାମ୍ପ ଏବଂ ବିଭିନ୍ନ ପୁରୁଣା ଷ୍ଟେଟ ରେଳବାଇ ମାନଙ୍କର ଲୋଗୋର ଆର୍ଟିକ୍ୟୁଲେଟ୍ ପ୍ରଦର୍ଶନ ଦର୍ଶକଙ୍କୁ ବିଗତ ଦିନର ରେଳବାଇ କାର୍ଯ୍ୟଶୈଳୀକୁ ମନେପକାଇ ଦେଉଛି ଯାହାକି ପୂର୍ବରୁ ଟ୍ରେନ ଯାତ୍ରା ସମୟର ସ୍ମରଣୀୟ କଥାଗୁଡ଼ିକୁ ମନେପକାଇ ରେଳବାଇର ସଂସ୍କୃତି ଏବଂ ଐତିହ୍ୟକୁ ପ୍ରଶଂସା କରୁଛି। ଏହା ମଧ୍ୟ ପରିଦର୍ଶକମାନଙ୍କୁ ଏଠାରେ କିଛି ଗୁଣାତ୍ମକ ସମୟ ବିତାଇ ଭାରତୀୟ ରେଳ ବିଷୟରେ ସେମାନଙ୍କର ଜ୍ଞାନ ବୃଦ୍ଧି କରାଇବାରେ ସହଜ କରିବ।