ନୂଆଦିଲ୍ଲୀ: ପୁଡୁଚେରୀର ସମସ୍ତ ବ୍ୟକ୍ତିଙ୍କ ପାଇଁ ୧୦୦% ଟୀକାକରଣର ଲକ୍ଷ୍ୟ ହାସଲ କରିବା ପାଇଁ କୋଭିଡ୍ ଟିକା ପାଇବା ବାଧ୍ୟତାମୂଳକ କରାଯାଇଛି। ଏବଂ ଯେଉଁମାନେ ଟୀକାକରଣ କରୁନାହାଁନ୍ତି ସେମାନଙ୍କୁ ଆଇନ ଅନୁଯାୟୀ ଦଣ୍ଡବିଧାନ କରାଯିବ ବୋଲି କୁହାଯାଇଛି। ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ସେବା ନିର୍ଦ୍ଦେଶକ ଜି. ଶ୍ରୀରାମୁଲୁ ଶନିବାର ରାତିରେ ଏକ ଆଦେଶରେ ଏହା କହିଛନ୍ତି ଏବଂ ଏହା ତୁରନ୍ତ କାର୍ଯ୍ୟକାରୀ ହେବ ବୋଲି କହିଛନ୍ତି।
ବାଧ୍ୟତାମୂଳକ ଟୀକାକରଣ ପାଇଁ ସରକାର ପୁଡୁଚେରୀ ଜନସ୍ୱାସ୍ଥ୍ୟ ଆଇନ ୧୯୭୩ ର ବ୍ୟବସ୍ଥା କାର୍ଯ୍ୟକାରୀ କରିଛନ୍ତି। ଯେଉଁମାନେ ଟୀକାକରଣ କରନ୍ତି ନାହିଁ, ସେମାନେ ଆଇନର ବ୍ୟବସ୍ଥା ଅନୁଯାୟୀ ଦଣ୍ଡବିଧାନର ସମ୍ମୁଖୀନ ହେବେ ବୋଲି ନିର୍ଦ୍ଦେଶକ କହିଛନ୍ତି।
ସ୍ୱାସ୍ଥ୍ୟ ବିଭାଗର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ, ସମସ୍ତ ଯୋଗ୍ୟ ବ୍ୟକ୍ତିଙ୍କ ଶତପ୍ରତିଶତ ଟୀକାକରଣ କଭରେଜ ହାସଲ କରିବାକୁ ସରକାର ଚାହୁଁଛନ୍ତି। ସଂକ୍ରମଣ ରୋକିବାକୁ ଏଭଳି ନିଷ୍ପତ୍ତି ନିଆଯାଉଛି।
