ମନସା: ପଞ୍ଜାବ ବିଧାନସଭା ନିର୍ବାଚନ ପୂର୍ବରୁ କଂଗ୍ରେସ ଏବଂ ଆପ ମଧ୍ୟରେ ବାକ୍ ଯୁଦ୍ଧ ଚାଲିଛି। ପଞ୍ଜାବର ମୁଖ୍ୟମନ୍ତ୍ରୀ ଚରଣଜିତ୍ ସିଂ ଚାନ୍ନି ଶୁକ୍ରବାର ଦିନ ଆମ୍ ଆଦମୀ ପାର୍ଟି (AAP) କୁ “ଚୋର ଏବଂ ଡକାୟତ” ବୋଲି କହିଛନ୍ତି ଏବଂ କହିଛନ୍ତି ଯେ, ଜଣେ “ଅଣ ପଞ୍ଜାବୀ” ରାଜ୍ୟବାସୀଙ୍କୁ ବୋକା ବନାଇବାକୁ ଚେଷ୍ଟା କରୁଛି। ଆମ୍ ଆଦମୀ ପାର୍ଟିକୁ ପରିହାସ କରି ଚାନ୍ନି ଏହାକୁ ଏକ “ସ୍ୱତନ୍ତ୍ର” ପାର୍ଟୀ ବୋଲି କହିଛନ୍ତି।
ମନସାଠାରେ ଏକ ସମାବେଶକୁ ସମ୍ବୋଧିତ କରି ବାଦଲଙ୍କୁ ରାଜ୍ୟରୁ ଲୁଣ୍ଠନ କରିବା ସହ ପୂର୍ବତନ ମୁଖ୍ୟମନ୍ତ୍ରୀ ଅମରିନ୍ଦର ସିଂଙ୍କୁ ରାଜ୍ୟରେ କୁଶାସନ କରିଥିବା ଚାନ୍ନି ଅଭିଯୋଗ କରିଛନ୍ତି।
୨୦୨୨ ବିଧାନସଭା ନିର୍ବାଚନରେ ଜିତିବାକୁ ଚେଷ୍ଟା କରୁଥିବା ‘କଳା ବ୍ରିଟିଶ୍’ ର ଦଳ ବୋଲି ଆମ ଆଦ୍ମି ପାର୍ଟିକୁ ଚାନ୍ନି କହିଥିଲେ। ଚାନ୍ନିଙ୍କ ମନ୍ତବ୍ୟର ଜବାବରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କହିଛନ୍ତି ଯେ ସେ କଳା ରଙ୍ଗର ହୋଇପାରନ୍ତି, କିନ୍ତୁ ତାଙ୍କର ଉଦ୍ଦେଶ୍ୟ ଯଥାର୍ଥ।
