ନୂଆଦିଲ୍ଲୀ: ପଞ୍ଜାବ ବିଧାନସଭା ନିର୍ବାଚନର ତାରିଖ ପାଖେଇ ଆସୁଥିବାରୁ ପଞ୍ଜାବ ଲୋକ କଂଗ୍ରେସ ନେତା ତଥା ପୂର୍ବତନ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ ଆଜି କେନ୍ଦ୍ର ମନ୍ତ୍ରୀ ତଥା ପଞ୍ଜାବ ବିଜେପି ଦାୟିତ୍ୱରେ ଥିବା ଗଜେନ୍ଦ୍ର ସିଂ ଶେଖୱାତଙ୍କୁ ଭେଟିଛନ୍ତି। ବୈଠକ ପରେ ପଞ୍ଜାବର ଦାୟିତ୍ୱରେ ଥିବା ଶେଖୱାତ କହିଛନ୍ତି ଯେ, ପ୍ରଧାନମନ୍ତ୍ରୀ ତଥା ଦଳର ସଭାପତି ଜେପି ନଡ୍ଡା କହିଛନ୍ତି ଯେ, ଆମେ ଏକାଠି ନିର୍ବାଚନ ଲଢିବୁ। ଠିକ୍ ସମୟରେ ଆସନ ଚୁକ୍ତି ବିଷୟରେ ସୂଚିତ କରାଯିବ।
ଏଥିସହିତ ଅମରିନ୍ଦର ସିଂ କହିଛନ୍ତି ଯେ, ଆମେ ୧୦୧% ନିର୍ବାଚନରେ ଜିତିବାକୁ ଯାଉଛୁ। ଯେତେବେଳେ ବି ଆସନ ବଣ୍ଟନ ହେବ, ବିଜୟର ସମ୍ଭାବନା ସବୁଠୁ ବଡ ଏବଂ ଏକମାତ୍ର କାରଣ ହେବ। ଆସନଗୁଡ଼ିକ ଉପରେ ଆଲୋଚନା ହେବ ଏବଂ ତାପରେ ହିଁ ଆସନ ବଣ୍ଟନ ହେବ। ଏହାପୂର୍ବରୁ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ଅମରିନ୍ଦର ସିଂ ଶେଖୱାତଙ୍କ ସହ ସାକ୍ଷାତ କରିଥିଲେ। ନୂତନ ପଞ୍ଜାବ ଲୋକସଭା ପାର୍ଟି ଗଠନ କରିଥିବା ଅମରିନ୍ଦର ମଧ୍ୟ ଗତଥର ଶେଖୱାତଙ୍କ ସହ ମଧ୍ୟାହ୍ନ ଭୋଜନ କରିଥିଲେ।
