ଟୀକା ପ୍ରମାଣପତ୍ରରେ ପ୍ରଧାନମନ୍ତ୍ରୀଙ୍କ ଫଟୋ ବିରୋଧରେ ଆବେଦନ: ୧ ଲକ୍ଷ ଜରିମାନା କଲେ ହାଇକୋର୍ଟ

Published: Dec 21, 2021, 1:57 pm IST

ଥିରୁଅନନ୍ତପୁରମ୍: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଫଟୋକୁ କୋଭିଡ-୧୯ ଟୀକାକରଣ ପ୍ରମାଣପତ୍ରରୁ ହଟାଇବାକୁ ଏକ ଆବେଦନକୁ ଆଜି କେରଳ ହାଇକୋର୍ଟ ଖାରଜ କରିଦେଇଛନ୍ତି। ଏହା ସହିତ ଆବେଦନକାରୀଙ୍କୁ ହାଇକୋର୍ଟ ଏକ ଲକ୍ଷ ଟଙ୍କା ଜରିମାନା କରିଛନ୍ତି। ଗଣମାଧ୍ୟମ ସୂଚନା ଅନୁଯାୟୀ, ଜଷ୍ଟିସ୍ ପି.ଭି କୁନିକ୍ରିଷ୍ଣନ୍ କହିଛନ୍ତି ଯେ ଦେଶର ପ୍ରଧାନମନ୍ତ୍ରୀଙ୍କୁ କଂଗ୍ରେସ ପ୍ରଧାନମନ୍ତ୍ରୀ କିମ୍ବା ବିଜେପି ପ୍ରଧାନମନ୍ତ୍ରୀ କିମ୍ବା ଅନ୍ୟ କୌଣସି ରାଜନୈତିକ ଦଳର ପ୍ରଧାନମନ୍ତ୍ରୀ ବୋଲି କେହି କହିପାରିବେ ନାହିଁ। ସମ୍ବିଧାନ ଅନୁଯାୟୀ ପ୍ରଧାନମନ୍ତ୍ରୀ ନିର୍ବାଚିତ ହେବା ପରେ ଏହା ଦେଶର ପ୍ରଧାନମନ୍ତ୍ରୀ ଏବଂ ଏହି ପଦଟି ପ୍ରତ୍ୟେକ ନାଗରିକଙ୍କ ଗର୍ବ ହେବା ଉଚିତ୍।

Related posts