ଲକ୍ଷ୍ନୌ: ବହୁଜନ ସମାଜ ପାର୍ଟି ଫିରୋଜାବାଦ ସଦର ଆସନ ପ୍ରାର୍ଥୀ ସାଜିଆ ହାସନ କାନ୍ଦିବା ସହ ସମାଜବାଦୀ ପାର୍ଟି ବିରୋଧରେ ଗୁରୁତର ଅଭିଯୋଗ ଆଣିଛନ୍ତି। ସେ କହିଛନ୍ତି ଯେ, ହାତ ଯୋଡି ମୁଁ ଅନୁରୋଧ କରୁଛି ଯେ ସମାଜବାଦୀ ପାର୍ଟି ମୋ ଏବଂ ମୋ ପରିବାର ପ୍ରତି ବହୁତ ଖରାପ କାମ କରିପାରେ। ଦୟାକରି ମୋତେ ଭୋଟ୍ ଦିଅନ୍ତୁ। ଯଦି ଆମେ ହାରିଯିବା ,ତେବେ ମୋ ପରିବାର ସହିତ ବହୁତ ଖରାପ ହୋଇପାରେ। ବାସ୍ତବରେ ବହୁଜନ ସମାଜବାଦୀ ପାର୍ଟିର ପ୍ରାର୍ଥୀ ସାଜିଆ ହାସନ ଫିରୋଜାବାଦ ସଦର ଆସନରୁ ନାମାଙ୍କନପତ୍ର ଦାଖଲ କରିଛନ୍ତି।
ଦୁଇ ଜଣ ବ୍ୟକ୍ତି ଗୋଟିଏ ଦଳରୁ ନାମାଙ୍କନପତ୍ର ଦାଖଲ କରିଥିଲେ:
ସାଜିଆ ହାସନଙ୍କ ନାମାଙ୍କନପତ୍ର ଦାଖଲ କରିଥିଲେ। କିନ୍ତୁ ଫେବୃଆରୀ ୧ ତାରିଖ ରାତି ୮ ଟା ପରେ ଏହା ଆଲୋଚନାକୁ ଆସିଥିଲା ଯେ, ରାହୁଲ ମିଶ୍ର ନାମକ ଜଣେ ଯୁବକ ମଧ୍ୟ ବହୁଜନ ସମାଜ ପାର୍ଟିର ନାମାଙ୍କନପତ୍ର ଦାଖଲ କରିଛନ୍ତି। ଗୋଟିଏ ଦଳର ଦୁଇଜଣ ପ୍ରାର୍ଥୀ ସେମାନଙ୍କ ନାମାଙ୍କନପତ୍ର ଦାଖଲ କରିଥିଲେ। ଯେତେବେଳେ ଉଭୟ ପ୍ରାର୍ଥୀ ନିର୍ବାଚନ କାର୍ଯ୍ୟାଳୟରେ ପହଞ୍ଚିଥିଲେ ଏବଂ ଉଭୟ ନିଜ ନିଜ ଦସ୍ତାବିଜ ଦାଖଲ କରିଥିଲେ, ସେତେବେଳେ ପ୍ରାୟ ୧୧ ଘଣ୍ଟା ଧରି ଉଭୟ ପକ୍ଷର ଓକିଲମାନେ ସେମାନଙ୍କ ମତ ରଖିଥିଲେ। ୧୧ ଘଣ୍ଟା ପରେ, ରିଟର୍ଣ୍ଣିଂ ଅଧିକାରୀ ବହୁଜନ ସମାଜ ପାର୍ଟି ପ୍ରାର୍ଥୀ ସାଜିଆ ହାସନଙ୍କ ସପକ୍ଷରେ ଘୋଷଣା କରିଥିଲେ।
ତେବେ ଏହାକୁ ନେଇ ସାଜିଆ ହାସନ ତୀବ୍ର ଅଭିଯୋଗ କରିଥିଲେ ଯେ, ଏହା ସମାଜବାଦୀ ପାର୍ଟିର ଷଡଯନ୍ତ୍ରରେ କରାଯାଇଥିଲା। ଏବଂ ୨୦୧୪ ଠାରୁରୁ ତାଙ୍କ ପରିବାର ପଛରେ ସମାଜବାଦୀ ପାର୍ଟି ପଡିଯାଇଛି। ଯଦି ସେ ନିର୍ବାଚନରେ ହାରିଯାଆନ୍ତି, ତେବେ ତାଙ୍କ ପରିବାର ସହିତ କିଛି ଖରାପ ହୋଇପାରେ।
