ଭୁବନେଶ୍ବର: ତ୍ରୀସ୍ତରୀୟ ପଂଚାୟତ ନିର୍ବାଚନ ଲାଗି ଅବକାରୀ କମିଶନର ନୂଆ ନିର୍ଦ୍ଦେଶାବଳୀ ଜାରି କରିଛନ୍ତି। ଭୋଟ ଗ୍ରହଣ ଦିନ ମଦ ବିକ୍ରି ଉପରେ ରୋକ ଲଗାଯାଇଛି। ଫେବୃୟାରୀ ୧୬, ୧୮, ୨୦, ୨୨ ଓ ୨୪ ତାରିଖରେ ଭୋଟିଂ ଦିନ ମଦ ବିକ୍ରି ହୋଇପାରିବ ନାହିଁ। ଏହା ସହ ଭୋଟ ଗଣତି ଦିନ ମଧ୍ୟ ସମ୍ପୃକ୍ତ ଅଞ୍ଚଳରେ ମଦ ବିକ୍ରି ହୋଇପାରିବ ନାହିଁ। ଫେବୃୟାରୀ ୨୬ ଓ ୨୮ ତାରିଖ ଦିନ ମଧ୍ୟ ମଦ ବିକ୍ରି ଉପରେ ରୋକ ଲଗାଯାଇଛି। ଏହି ସମୟରେ କୌଣସି ମଦ ଦୋକାନ, ହୋଟେଲ, ରେଷ୍ଟୁରାଣ୍ଟ କିମ୍ବା କୌଣସି ସ୍ଥାନରେ ମଦ ବିକ୍ରି ହୋଇପାରିବ ନାହିଁ। ଉଭୟ ଭୋଟିଂ ଓ ଗଣତି ଦିନକୁ ଡ୍ରାଏ ଡେ’ ଘୋଷଣା ଲାଗି ନିର୍ଦ୍ଦେଶ ଦିଆଯାଇଛି। ଏନେଇ ସବୁ ଜିଲ୍ଲାପାଳଙ୍କୁ ଅବକାରୀ କମିଶନର ଆଶିଷ ସିଂ ନିର୍ଦ୍ଦେଶ ଦେଇଛନ୍ତି।
