ଆଜି ଭୋରରୁ ଜାମ୍ମୁ କାଶ୍ମୀରର ଅନନ୍ତନାଗ ଜିଲ୍ଲାରେ ପୋଲିସର ଏନକାଉଣ୍ଟରରେ ଦୁଇ ଜଣ ଆତଙ୍କବାଦୀ ନିହତ ହୋଇଥିବାର ଜଣାପଡିଛି। ବର୍ତ୍ତମାନ ସୁଦ୍ଧା ସେଠାରେ ଫୋର୍ସ ମୁତୟନ ଅଛନ୍ତି। ସେହି ଅଞ୍ଚଳକୁ ପୁରା ସିଲ କରିଦିଆଯିବା ସହିତ ଇଣ୍ଟରନେଟ ସେବାକୁ ମଧ୍ୟ ବନ୍ଦ କରିଦିଆଯାଇଛି। ଖବରରୁ ଜଣାପଡିଛି ଯେ, ଜାମ୍ମୁର ଅନନ୍ତନାଗ ଜିଲ୍ଲାର ଏକ ଅଞ୍ଚଳରେ ଆତଙ୍କବାଦୀମାନେ ଲୁଚି ରହିଥିବା ଏକ ସୂଚନା ପୋଲିସକୁ ମିଳିଥିଲା। ସେହି ଅନୁସାରେ ଗତକାଲି ରାତିରୁ ସେହି ଅଞ୍ଚଳକୁ ଆର୍ମିର କଡା ନଜରରେ ରଖାଯାଇଥିଲା। ଖବର ଠିକ୍ ଜଣାପଡିବା ପରେ ଆଜି ଭୋରରୁ ଆର୍ମି ତରଫରୁ ମିଳିତ ଅପରେସନ କରାଯାଇଥିଲା। ଏକଥା ଜାଣିବା ପରେ ଆତଙ୍କବାଦୀମାନେ ମଧ୍ୟ ପାଲଟା ଗୁଳି ଚାଳନା କରିଥିଲେ। ପରେ ଦୁଇ ଜଣ ଆତଙ୍କବାଦୀ ନିହତ ହୋଇଥିବାର ଜଣାପଡିଛି। ଏହାପରେ ସେହି ସ୍ଥାନରୁ ବିପୁଳ ପରିମାଣର ବିସ୍ପୋଟକ ପଦାର୍ଥ ମିଳିଛି ବୋଲି ଜଣାପଡିଛି।
