ରାଷ୍ଟ୍ରୀୟ ଲୋକ ସମତା ପାର୍ଟୀ(ଆରଏଲଏସପି)ର ଅଧ୍ୟକ୍ଷ ଉପେନ୍ଦ୍ର କୁଶୱାହା ବିଜେପିକୁ ଟାର୍ଗେଟ କରି ବିବାଦୀୟ ବୟାନ ଦେଇଛନ୍ତି। ବିହାରର ଦରଭଙ୍ଗା ଏକ ଜନସଭାକୁ ସମ୍ବୋଧିତ କରି ସେ ବିଜେପିକୁ ଆକ୍ରମଣ କରିଛନ୍ତି ଯାହା ପରେ ବିବାଦ ସୃଷ୍ଟି ହୋଇଛି। ବିଜେପିକୁ ଛଳନାକାରୀ ବୋଲି ଅଭିହିତ କରିବା ସହିତ ରାମଲୀଳାର ନକଲି ସୀତା ବୋଲି ସମ୍ବୋଧନ କରିଥିଲେ। କୁଶୱାହା କହିଛନ୍ତି ଯେ ବିଜେପି ରାମଲୀଲାର ସେହି ନକଲି ସୀତା ପରି, ଯିଏ ପରଦା ସମ୍ନାରେ ରହିଲେ ସମସ୍ତେ ନତ ମସ୍ତକ ହୁଅନ୍ତି ଏବଂ ପରଦା ପଛରେ ସିଗାରେଟ ପିଅନ୍ତି। କୁଶୱାହଙ୍କ ଏହି ବୟାନ ପରେ ବିବାଦ ସୃଷ୍ଟି ହୋଇଛି। ଧାର୍ମିକ ଭାବନାକୁ ଆଘାତ କରାଯାଇଥିବା ଅଭିଯୋଗ ଆଣିଛନ୍ତି ବିଭିନ୍ନ ଧାର୍ମିକ ସଙ୍ଗଠନ। ମାଆ ସୀତାଙ୍କ ଏହା ଅପମାନ ବୋଲି ବିରୋଧୀ ଅଭିଯୋଗ କରିଛନ୍ତି।
