ଆଶାରାମ ବାପୁଙ୍କ ପୁତ୍ର ନାରାୟଣ ସାଇ ଧର୍ଷଣ ମାମଲାରେ ଦୋଷୀ ସାବ୍ୟସ୍ତ ହୋଇଛନ୍ତି। ଶୁକ୍ରବାର ସୁରତର ଏକ କୋର୍ଟ ନାରାୟଣ ସ୍ବାମୀଙ୍କୁ ଦୋଷୀ ସାବ୍ୟସ୍ତ କରିଥିବା ବେଳେ ଏପ୍ରିଲ୍ ୩୦ ତାରିଖରେ ଦଣ୍ଡବିଧାନ ସ୍ଥିର କରିବା ପାଇଁ ନିଷ୍ପତ୍ତି ନେଇଛନ୍ତି। ପୀଡିତା ମହିଳା ଜଣଙ୍କ ଅଭିଯୋଗ ଅନୁଯାୟୀ ୨୦୦୨ ରୁ ୨୦୦୫ ମଧ୍ୟରେ ସୁରତ ଆଶ୍ରମରେ ତାଙ୍କୁ ନାରାୟଣ ସାଇ ବଳାତ୍କାର କରିଥିଲେ। ୪୦ ବର୍ଷୀୟ ସାଇଙ୍କୁ ପୋଲିସ୍ ସୁରକ୍ଷା ବଳୟରେ କୋର୍ଟରେ ହାଜର କରା ଯାଇଥିଲା। ସାଇଙ୍କୁ ୨୦୧୩ରୁ ଗିରଫ କରିଛି ହରିୟାଣା ପୋଲିସ୍। ୨୦୧୩ରେ ହରିୟାଣାର ପିପ୍ଲିରୁ ଦୁଇ ଭଉଣୀ ସାଇଙ୍କ ନାମରେ ଯୌନ ନିର୍ଯାତନା ଅଭିଯୋଗ ଆଣିବା ପରେ ତାଙ୍କୁ ଗିରଫ କରାଯାଇଥିଲା। ଉକ୍ତ ମାମଲାରେ ଉଭୟ ଆଶାରାମ ବାପୁ ଏବଂ ନାରାୟଣ ସାଇ ଦୋଷୀ ସାବ୍ୟସ୍ତ ହୋଇଥିଲେ।
