ଲକ୍ଷ୍ନୌ: ଉତ୍ତରପ୍ରଦେଶର ରାଜଧାନୀ ଲକ୍ଷ୍ନୌରେ ଭାରତୀୟ ଜନତା ପାର୍ଟି (ବିଜେପି) କାର୍ଯ୍ୟାଳୟ ବାହାରେ ଜଣେ ମହିଳା ଆତ୍ମହତ୍ୟା କରିବାକୁ ଉଦ୍ୟମ କରିଛନ୍ତି। କୌଶଳ କରି ମହିଳାଜଣଙ୍କୁ ପୋଲସି ଉଦ୍ଧାର କରିଛି। ମହିଳା ଜଣକ ଗୋସାଇଗଞ୍ଜର ବାସିନ୍ଦା ବୋଲି କୁହାଯାଉଛି।
ଗୋସାଇଗଞ୍ଜ ପୋଲିସ ଦ୍ୱାରା ନିର୍ଯ୍ୟାତନା ଦିଆଯିବା ପରେ ସେ ଆତ୍ମହତ୍ୟା ଉଦ୍ୟମ କରିଥିବା ଅଭିଯୋଗ କରିଛନ୍ତି। ମହିଳା ଜଣକ ଅଭିଯୋଗ କରିଛନ୍ତି ଯେ, ତାଙ୍କ ପୁଅକୁ ଗୋସାଇଗଞ୍ଜ ପୋଲିସ ଜବରଦସ୍ତ ଜେଲକୁ ପଠାଇ ଦେଇଛି। ତାଙ୍କ ପୁଅ ସମ୍ପୂର୍ଣ୍ଣ ନିର୍ଦ୍ଦୋଷ, କିନ୍ତୁ ପୋଲିସ ତାଙ୍କୁ ଜୋର କରି ଜେଲକୁ ପଠାଇ ଦେଇଛି ବୋଲି ସେ ଅଭିଯୋଗ କରିଛନ୍ତି।
