ମୁମ୍ବାଇ: ମହାରାଷ୍ଟ୍ରରେ ଲାଉଡ ସ୍ପିକର ପରେ, ବର୍ତ୍ତମାନ ହନୁମାନ ଚାଲିସା ଉପରେ ବିବାଦ ଲାଗିରହିଛି। ଆସନ୍ତାକାଲି ସକାଳ ୯ ଟାରେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ଘର ମାତୋଶ୍ରୀ ବାହାରେ ହନୁମାନ ଚାଲିସା ପାଠ କରିବେ ବୋଲି ସାଂସଦ ନବନୀତ୍ ରାଣା ଏବଂ ତାଙ୍କ ବିଧାୟକ ସ୍ଵାମୀ ରବି ରାଣା ନିଷ୍ପତ୍ତି ନେଇଛନ୍ତି।
ବିଧାୟକ ରବି ରାଣା ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ମହାରାଷ୍ଟ୍ରରେ ଏତେ ସମସ୍ୟା ରହିଛି ଏବଂ ଆମର ମୁଖ୍ୟମନ୍ତ୍ରୀ ଉଦ୍ଧବ ଠାକରେ କୌଣସି ମନ୍ତ୍ରଣାଳୟକୁ ଯାଆନ୍ତି ନାହିଁ, ଆମ ସହ ସାକ୍ଷାତ କରନ୍ତି ନାହିଁ କିମ୍ବା ଆମ ଅଞ୍ଚଳ ପରିଦର୍ଶନ କରନ୍ତି ନାହିଁ। ଏହି କାରଣରୁ ଆମେ ତାଙ୍କ ଘର ବାହାରେ ହନୁମାନ ଚଲିସା ପଢିବାକୁ ଯାଉଛୁ। ହନୁମାନ ହେଉଛନ୍ତି ସଙ୍କଟ ମୋଚନ୍ ଏବଂ ସେ ନିଶ୍ଚିତ ଭାବରେ ମୁଖ୍ୟମନ୍ତ୍ରୀର ସଙ୍କଟ ସମାଧାନ କରିବେ।
