ନୂଆଦିଲ୍ଲୀ: ଉତ୍ତରପ୍ରଦେଶର ମଥୁରାର ଯମୁନା ଏକ୍ସପ୍ରେସୱେରେ ଏକ ମର୍ମନ୍ତୁଦ ଦୁର୍ଘଟଣାରେ ୭ ଜଣଙ୍କର ମୃତ୍ୟୁ ଘଟିଥିବା ବେଳେ ଦୁଇ ଜଣ ଆହତ ହୋଇଛନ୍ତି। ସମସ୍ତ ଆହତଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି। ୱାଗନ୍ ଆର କାର ଏବଂ ଏକ ଅଜ୍ଞାତ ଗାଡି ମଧ୍ୟରେ ଧକ୍କା ହେବା ଫଳରେ ଏହି ଦୁର୍ଘଟଣା ଘଟିଛି। କାରକୁ ଅଜ୍ଞାତ ଗାଡିଟି ଧକ୍କା ଦେବା ପରେ ଘଟଣାସ୍ଥଳରୁ ଫେରାର ହୋଇଯାଇଛି।
ଦୁର୍ଘଟଣା ସମୟରେ କାରରେ ୯ ଜଣ ଲୋକ ଥିଲେ। ଏଥିମଧ୍ୟରେ ୩ ମହିଳା, ୪ ପୁରୁଷ ଏବଂ ୨ ଜଣ ପିଲା ଯାତ୍ରା କରୁଥିଲେ। ଯେତେବେଳେ ୱାଗନ୍ ଆରରେ ଥିବା ସମସ୍ତ ଲୋକ ଆଗ୍ରା ଠାରୁ ନୋଏଡା ଯାଉଥିଲେ, ସେତେବେଳେ ଏହି ଦୁର୍ଘଟଣା ନୋହଝୀଲ ଥାନା ଅଞ୍ଚଳର ମାଇଲ ଷ୍ଟୋନ ୬୮ ରେ ଘଟିଥିଲା। ଦୁର୍ଘଟଣା ସମ୍ପର୍କରେ ସୂଚନା ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚିଥିଲା। ମୃତମାନଙ୍କୁ ଚିହ୍ନଟ କରିବାକୁ ଚେଷ୍ଟା କରୁଛି।
ଏହି ଘଟଣାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦୁଃଖ ପ୍ରକାଶ କରିଛନ୍ତି ଏବଂ ଟ୍ୱିଟ୍ କରି ଗଭୀର ସମବେଦନା ଜଣାଇଛନ୍ତି।
