ଭୁବନେଶ୍ବର: ଦୁର୍ବଳ ହେଉଛି “ଅସାନି”, ସ୍ଥଳ ଭାଗ ସଂସ୍ପର୍ଶରେ ଆସିବା ପରେ ଏହାର ବଳ ଭାଙ୍ଗିବାରେ ଲାଗିଛି। ଆନ୍ଧ୍ର ଉପକୂଳର ଭୌଗଳିକ ସ୍ଥିତି ବାତ୍ୟା ସହ ପାରସ୍ପରିକ କ୍ରିୟା ପ୍ରଭାବରେ ଧୀରେ ଧୀରେ ମେଘ ଖଣ୍ଡ ଗୁଡିକ ବିଛୁରିତ ହେବା ସହ ବାତ୍ୟା ଦୁର୍ବଳ ହେବା ପ୍ରକ୍ରିୟା ଆହୁରି ସକ୍ରିୟ ହୋଇଛି।
ମଛଲିପାଟନମ ଠାରୁ ୨୦ କିମି ଦୂରରେ ଆନ୍ଧ୍ର ଉପକୂଳରେ ଅସାନି ଦୁର୍ବଳ ହୋଇ “ଗଭୀର ଅବପାତ” ରେ ପରିଣତ ହୋଇଛି। ବର୍ତ୍ତମାନର ପର୍ଯ୍ୟବେକ୍ଷଣ ଅନୁଯାୟୀ ଆନ୍ଧ୍ରପ୍ରଦେଶ ଉପକୂଳକୁ ଗଭୀର ଅବପାତ ରୂପରେ ମଛଲିପାଟନମ ଏବଂ ନରସପୁର ମଧ୍ୟ ଦେଇ ଅତିକ୍ରମ ପ୍ରକ୍ରିୟା ଜାରି ରହିଛି। ଫଳରେ ଆନ୍ଧ୍ରର ବିଭିନ୍ନ ସ୍ଥାନରେ ପ୍ରବଳ ବର୍ଷା ସହିତ ପବନ ପ୍ରବାହିତ ହେଉଛି।
