ଭୁବନେଶ୍ୱର: ଆଜି ପୂର୍ବାହ୍ନରେ ଭୁବନେଶ୍ୱର ରେଳ ଷ୍ଟେସନ ଠାରେ ଦୁଇଜଣ ମହିଳା ଯାତ୍ରୀଙ୍କ ରେଳବାଇ ସୁରକ୍ଷା ବଳ ଯବାନ ଜୀବନ ବଞ୍ଚାଇ ଚର୍ଚ୍ଚାକୁ ଆସିଛନ୍ତି। ୧୮୪୪୪ ପଲାସା-କଟକ ଟ୍ରେନ ଗତିଶୀଳ ଥିବାବେଳେ ମହିଳା ଦ୍ବୟ ଓହ୍ଲାଇବାକୁ ଚେଷ୍ଟାକରି ପାଦ ଖସିଯିବାରୁ ପ୍ରାୟତଃ ଟ୍ରେନ ତଳକୁ ଚାଲିଯାଇଥାନ୍ତେ।
ଡ୍ୟୁଟିରେ ଥିବା ଭୁବନେଶ୍ୱର ଆରପିଏଫ ପୋଷ୍ଟର ହେଡ଼ କନେଷ୍ଟବଳ ଏସ.ମୁଣ୍ଡାଙ୍କ ଉପସ୍ଥିତ ବୁଦ୍ଧି ଓ ପ୍ରୟାସ ଯୋଗୁଁ ମହିଳା ଦ୍ବୟଙ୍କୁ ପ୍ଳାଟଫର୍ମକୁ ଟାଣି ଆଣିଥିଲେ। ଯାହାଦ୍ୱାରା ସେମାନଙ୍କର ଜୀବନ ନିଶ୍ଚିତ ମୃତ୍ୟୁମୁଖରୁ ବଞ୍ଚାଯାଇ ପାରିଥିଲା। ଯବାନଙ୍କ ଏଭଳି ସାହସିକ ପ୍ରଚେଷ୍ଟା ଯୋଗୁଁ ଷ୍ଟେସନରେ ଥିବା ଅନ୍ୟ ଯାତ୍ରୀମାନେ ପ୍ରଶଂସା କରିଛନ୍ତି।
