ନୂଆଦିଲ୍ଲୀ: ଉତ୍ତରପ୍ରଦେଶର ବାରାଣାସୀରେ ଅବସ୍ଥିତ ଜ୍ଞାନବାପୀ ମସଜିଦକୁ ନେଇ ବିବାଦ ଏପର୍ଯ୍ୟନ୍ତ ଦୂର ହୋଇନାହିଁ। କିନ୍ତୁ ସେହି ସମୟରେ ଦୂରଦୂରାନ୍ତ କର୍ଣ୍ଣାଟକରେ ମଧ୍ୟ ସମାନ ବିବାଦ ଉପୁଜିଛି। ଯାହା ପରେ ଏବେ କର୍ଣ୍ଣାଟକ ରାଜନୀତିରେ ଉତ୍ତେଜନା ଦେଖାଦେଇଛି। ବାସ୍ତବରେ ଏହି ବିବାଦ ଟିପୁ ସୁଲତାନଙ୍କ ଶାସନ କାଳରେ କର୍ଣ୍ଣାଟକରେ ନିର୍ମିତ ଏକ ମସଜିଦ ବିଷୟକୁ ନେଇ ଆରମ୍ଭ ହୋଇଛି। ଯେଉଁଠାରେ ମସଜିଦ ଅବସ୍ଥିତ ସେହି ସ୍ଥାନରେ ହନୁମାନ ମନ୍ଦିର ଥିବା ଦାବି କରାଯାଉଛି।
ସୂଚନା ଯୋଗ୍ୟ ଯେ କର୍ଣ୍ଣାଟକର ଶ୍ରୀରଙ୍ଗପଟନ ନାମକ ସ୍ଥାନରେ ଏକ ଜାମା ମସଜିଦ ଅବସ୍ଥିତ। ଏହା ଟିପୁ ସୁଲତାନଙ୍କ ଦ୍ୱାରା ନିର୍ମିତ ହୋଇଥିବା କୁହାଯାଉଛି। କିନ୍ତୁ ବର୍ତ୍ତମାନ କିଛି ହିନ୍ଦୁ ସଂଗଠନ ଦାବି କରିଛନ୍ତି ଯେ, ପୂର୍ବରୁ ସେଠାରେ ଏକ ମନ୍ଦିର ଥିଲା। ଯାହା ଟିପୁ ସୁଲତାନ ଭାଙ୍ଗି ତାଙ୍କ ସ୍ଥାନରେ ଏକ ମସଜିଦ ନିର୍ମାଣ କରିଥିଲେ। ଯାହାକୁ ନେଇ ଏବେ ବିବାଦ ଆରମ୍ଭ ଆରମ୍ଭ ହୋଇଯାଇଛି। ହିନ୍ଦୁ ସଂଗଠନ ସେହି ମସଜିଦରେ ପୂଜାପାଠ କରିବାକୁ ଦାବି କରିଛନ୍ତି। ହିନ୍ଦୁ ସଂଗଠନ ଦାବି କରିଛି ଯେ, ଉପଲବ୍ଧ ଦଲିଲଗୁଡ଼ିକ ପ୍ରମାଣ କରେ ଯେ ସେଠାରେ ଏକ ହନୁମାନ ମନ୍ଦିର ଥିଲା। ଏହା ମଧ୍ୟ ଦାବି କରାଯାଉଛି ଯେ, ମସଜିଦର କାନ୍ଥରେ ହିନ୍ଦୁ ଶିଳାଲେଖ ମିଳିଛି, ଯାହା ସେଠାରେ ଏକ ମନ୍ଦିର ଥିବା ପ୍ରମାଣ କରିବାକୁ ଯଥେଷ୍ଟ।
ଆମେ ଆପଣଙ୍କୁ କହିରଖୁଛୁ ଯେବେଠାରୁ ଶ୍ରୀରଙ୍ଗପଟନଠାରେ ଅବସ୍ଥିତ ଜାମା ମସଜିଦର ଏକ ମନ୍ଦିର ଥିବା ଦାବି ବୃଦ୍ଧି ପାଇବାରେ ଲାଗିଛି, ସେହି ଦିନଠାରୁ ସୁରକ୍ଷା ବଢାଇବାକୁ ମସଜିଦ ପାର୍ଶ୍ୱରୁ ଏକ ଦାବି ରହିଛି। ତେବେ ଏ ପର୍ଯ୍ୟନ୍ତ କର୍ଣ୍ଣାଟକ ସରକାର କିମ୍ବା ଅନ୍ୟ କେଉଁ ବଡ ସଂଗଠନ ପକ୍ଷରୁ କୌଣସି ପ୍ରତିକ୍ରିୟା ଦିଆଯାଇ ନାହିଁ।