ଚେନ୍ନାଇ: ଆଇଆଇଟି ମାଡ୍ରାସରେ 5G କଲ୍ ସଫଳତାର ସହିତ ପରୀକ୍ଷଣ ହୋଇଛି। ଏହି ଅବସରରେ କେନ୍ଦ୍ର ଯୋଗାଯୋଗ ମନ୍ତ୍ରୀ ଅଶ୍ୱିନୀ ବୈଷ୍ଣବ 5G ଭଏସ୍ ଏବଂ ଭିଡିଓ କଲ କରିଛନ୍ତି। ବିଶେଷ କଥା ହେଉଛି ନେଟୱାର୍କର ଡିଜାଇନ୍ କୁ ଭାରତରେ ବିକଶିତ କରାଯାଇଛି। କେନ୍ଦ୍ର ମନ୍ତ୍ରୀ ତାଙ୍କ କୁ ଏବଂ ଟ୍ୱିଟର ଆକାଉଣ୍ଟରେ 5G କଲ୍ ପରୀକ୍ଷଣର ଏକ ଭିଡିଓ ମଧ୍ୟ ସେୟାର କରିଛନ୍ତି।
ଏହାପୂର୍ବରୁ ଅଶ୍ୱିନୀ ବୈଷ୍ଣବ ବୁଧବାର ଦିନ କହିଛନ୍ତି ଯେ, ଚଳିତ ବର୍ଷ ସେପ୍ଟେମ୍ବର-ଅକ୍ଟୋବର ସୁଦ୍ଧା ଭାରତର ନିଜସ୍ୱ 5G ଭିତ୍ତିଭୂମି ପ୍ରସ୍ତୁତ ହେବ। ଟେଲିକମ୍ ରେଗୁଲେଟୋରୀ ଅଥରିଟି ଅଫ୍ ଇଣ୍ଡିଆ (TRAI) ଦ୍ଵାରା ଆୟୋଜିତ ଏକ କାର୍ଯ୍ୟକ୍ରମରେ ବୈଷ୍ଣବ କହିଛନ୍ତି ଯେ, ଭାରତର ସ୍ୱଦେଶୀ ଟେଲିକମ୍ ଭିତ୍ତିଭୂମି “ବୃହତ ଆଧାରଭୂତ ପ୍ରଦୌଗିକ ଅଗ୍ରଗତି” ର ପ୍ରତିଫଳିତ କରୁଛି।
Aatmanirbhar 5G ??
Successfully tested 5G call at IIT Madras. Entire end to end network is designed and developed in India. pic.twitter.com/FGdzkD4LN0
— Ashwini Vaishnaw (@AshwiniVaishnaw) May 19, 2022
ଏହି ସମୟ ମଧ୍ୟରେ କେନ୍ଦ୍ର ମନ୍ତ୍ରୀ ବିଶ୍ଵର ଦେଶମାନଙ୍କୁ ମଧ୍ୟ ମୂଲ୍ୟ ଏବଂ ଗୁଣାତ୍ମକ ଲାଭ ଦୃଷ୍ଟିରୁ ଭାରତର ସ୍ୱଦେଶୀ ଟେଲିକମ୍ ଭିତ୍ତିଭୂମି ଉପରେ ସକ୍ରିୟ ଦୃଷ୍ଟି ଦେବାକୁ ଅନୁରୋଧ କରିଛନ୍ତି।
ରୋଜଗାରର ସୁଯୋଗ ସୃଷ୍ଟି ହେବ:
ଅନ୍ୟପକ୍ଷରେ, ଟେଲିକମ୍ ସଚିବ କେ ରାଜାରମନ୍ ବୁଧବାର କହିଛନ୍ତି ଯେ, 5G ସେବା ପ୍ରବର୍ତ୍ତନ ଦ୍ୱାରା ନୂତନ ଜ୍ଞାନକୌଶଳ ପାଇଁ ଉପଯୁକ୍ତ କୌଶଳ ଆବଶ୍ୟକ ହେବ, ଯାହା ଏକ ବୃହତ ସ୍ତରରେ ନିଯୁକ୍ତି ସୁଯୋଗ ସୃଷ୍ଟି କରିବ।
ଟେଲିକମ୍ ସେକ୍ଟର ସ୍କିଲ୍ କାଉନସିଲ୍ (TSSC) ଦ୍ୱାରା ଆୟୋଜିତ ଏକ କାର୍ଯ୍ୟକ୍ରମରେ ରାଜାରମନ୍ କହିଛନ୍ତି ଯେ, ଭାରତନେଟ ଠାରୁ ସ୍ପେସ୍ ଟେଲି ଯୋଗାଯୋଗ ଏବଂ 5G ରୁ ବ୍ରଡବ୍ୟାଣ୍ଡ ସେବା ପର୍ଯ୍ୟନ୍ତ ଚାକିରି ଏକ ବୃହତ ସ୍ତରରେ ସୃଷ୍ଟି ହେବ।
