ନୂଆଦିଲ୍ଲୀ: ଆଜି ଓଡିଶାର ଗୋଟିଏ ଆସନ ପାଇଁ ହେବାକୁ ଥିବା ରାଜ୍ୟସଭା ଉପନିର୍ବାଚନ ନିମନ୍ତେ ବିଜ୍ଞପ୍ତି ପ୍ରକାଶ ପାଇଛି। ଏହି ଆସନର ସଦସ୍ୟ ଥିବା ସୁବାସ ସିଂ ଇସ୍ତଫା ଦେବା ପରେ ତାହା ଖାଲି ଥିଲା। ସେହି ଅନୁସାରେ ଭାରତ ନିର୍ବାଚନ କମିଶନର ଏହାର ନିର୍ବାଚନ ପାଇଁ ପୂର୍ବରୁ ଘୋଷଣା କରିଥିଲେ।
ଓଡିଶାରେ ଏହି ରାଜ୍ୟସଭା ଉପନିର୍ବାଚନ ପାଇଁ ୨ ଜୁନ୍ରେ ନାମାଙ୍କନ ଦାଖଲର ଶେଷ ତାରିଖ ରଖାଯାଇଛି। ସେହିପରି ଜୁନ ୩ ତାରିଖରେ ନାମାଙ୍କନ ପତ୍ର ଯାଞ୍ଚ କରାଯିବ। ୬ ଜୁନ ନାମାଙ୍କନ ପତ୍ର ପ୍ରତ୍ୟାହାରର ଶେଷ ତାରିଖ ରହିଛି। ଏହି ଆସନ ପାଇଁ ଆସନ୍ତା ୧୩ ତାରିଖରେ ନିର୍ବାଚନ ଅନୁଷ୍ଠିତ ହେବ।
Tags: ରାଜ୍ୟସଭା ଉପନିର୍ବାଚନ, ସୁବାସ ସିଂ
