ଭୁବନେଶ୍ବର: ଆଜି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ କାର୍ଯ୍ୟାଳୟରୁ ବ୍ରଜରାଜନଗର ଉପନିର୍ବାଚନର ଚୁଡାନ୍ତ ଭୋଟ ପ୍ରତିଶତ ଆସିଛି। ତଥ୍ୟ ଅନୁସାରେ ଗତକାଲି ବ୍ରଜରାଜନଗରରେ ୭୧ ପ୍ରତିଶତ ଭୋଟ ଗ୍ରହଣ ହୋଇଛି। ଯାହା ଆଶାତିତ ବୋଲି କୁହାଯାଉଛି।
ନିର୍ବାଚନ ଅଧିକାରୀଙ୍କ ତଥ୍ୟ ଅନୁସାରେ ଏଥର ବ୍ରଜରାଜନଗରରେ ମୋଟ ଭଟର ସଂଖ୍ୟା ହେଉଛି ୨ ଲକ୍ଷ ୧୪ ହଜାର ୮୭୮। ହେଲେ ଉପନିର୍ବାଚନରେ ମୋଟ ୧ ଲକ୍ଷ ୫୩ ହଜାର ୭୧୬ ଜଣ ମତଦାନ କରିଛନ୍ତି।
ଏହି ନିର୍ବାଚନ ମଣ୍ଡଳୀରେ ମୋଟ ପୁରୁଷ ଭୋଟର ୧ ଲକ୍ଷ ୧୦ ହଜାର ୫୦ ଜଣ ଥିବା ବେଳେ ଭୋଟ ଦେଇଛନ୍ତି ୮୦ ହଜାର ୮୪୮ ଜଣ। ସେହିପରି ମହିଳା ଭୋଟର ସଂଖ୍ୟା ୧ ଲକ୍ଷ ୪ ହଜାର ୮୧୧ ଜଣ ଅଛନ୍ତି। ସେମାନଙ୍କ ମଧ୍ୟରୁ ମତଦାନ କରିଛନ୍ତି ୭୨ ହଜାର ୮୬୫ ଜଣ। ତୃତୀୟ ଲିଙ୍ଗ ସଂଖ୍ୟା ୧୭ ଥିବା ବେଳେ ୩ ଜଣ ମତ ସାବ୍ୟସ୍ତ କରିଛନ୍ତି।