ଭୁବନେଶ୍ବର: ରାଜ୍ୟ ସରକାର ପୁଣି ଆଇଏଏସ ସ୍ତରରେ ଛୋଟ ଅଦଳବଦଳ କରିଛନ୍ତି। ସେହି ଅନୁସାରେ ବରିଷ୍ଠ ଆଇଏଏସ ସଂଜୟ ସିଂଙ୍କୁ ପୁଣି ଥରେ ସୂଚନା ଓ ଲୋକ ସଂପର୍କ ବିଭାଗର ପ୍ରମୁଖ ସଚିବ ଭାବେ ନିଯୁକ୍ତି ଦିଆଯାଇଛି। ସେ ପୂର୍ବପରି ବିଡିଏ ଏବଂ ସ୍ମାର୍ଟ ସିଟିର ମୁଖିଆ ଭାବେ ଦାୟିତ୍ବରେ ରହିବେ।
ପୂର୍ବରୁ ସଂଜୟ ସେହି ଲୋକ ସଂପର୍କ ବିଭାଗର ମୁଖ୍ୟ ଭାବେ କାର୍ଯ୍ୟ କରୁଥିଲେ। ତାଙ୍କ ସମୟରେ ଏହି ବିଭାଗର ବେଶ୍ କିଛି ଉନ୍ନତି ପରିଲକ୍ଷିତ ହୋଇଥିଲା। ସେ ଅନେକ ନୂଆ ନୂଆ ଯୋଜନାରେ ଆରମ୍ଭ କରିଥିଲେ। ମୁଖ୍ୟତଃ ଏହି ବିଭାଗକୁ ସକ୍ରିୟ କରିବାରେ ସଂଜୟଙ୍କ ଭୂମିକା ବେଶ୍ ଉଚ୍ଚ କୋଟିର ଥିଲା। ସଂଜୟଙ୍କ ସହ ୟାମିନୀ ଷଡଙ୍ଗୀଙ୍କୁ ମଧ୍ୟ ସାଧାରଣ ପ୍ରଶାସନ ବିଭାଗ ଓଏସଡି ଭାବେ ବଦଳି କରାଯାଇଛି।
