ଭୁବନେଶ୍ବର: ସମସ୍ତଙ୍କ ପାଇଁ ଡିଜିଟାଲ୍ କ୍ଷେତ୍ରରେ ଅନ୍ତର୍ଭୂକ୍ତ ଏବଂ ସଂଯୋଗୀକରଣ ହେଉଛି ସରକାରଙ୍କ ଅନ୍ତୋଦୟ ଦର୍ଶନର ଏକ ଅବିଚ୍ଛେଦ୍ୟ ଅଙ୍ଗ। 2021 ମସିହାରେ ସ୍ୱାଧୀନତା ଦିବସ ଅଭିଭାଷଣରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସରକାରୀ ଯୋଜନାରେ ଏହାକୁ ପରିପୂର୍ଣ୍ଣ କରିବାକୁ ଘୋଷଣା କରିଥିଲେ।
27.07.2022 ରେ କେନ୍ଦ୍ର କ୍ୟାବିନେଟ୍ ଦେଶର ଅଣ ସଂଯୋଗୀକରଣ ଗ୍ରାମଗୁଡିକରେ 4G ମୋବାଇଲ୍ ସେବା ପ୍ରଦାନ କରିବା ପାଇଁ ଏହି ପ୍ରକଳ୍ପକୁ ଅନୁମୋଦନ କରିଛି।
1) ପ୍ରକଳ୍ପର ମୋଟ ମୂଲ୍ୟ ହେଉଛି 26,316 କୋଟି ଟଙ୍କା।
2) ଏହି ପ୍ରକଳ୍ପ 24,680 ଅଣ ସଂଯୋଗୀକରଣ ଦୁର୍ଗମ ଗ୍ରାମ ତଥା କଷ୍ଟକର ଅଞ୍ଚଳରେ 4G ମୋବାଇଲ୍ ସେବା ଯୋଗାଇବ।
3) ପୁନଥଇଥାନ, ନୂତନ ବସତି, ବିଦ୍ୟମାନ ଅପରେଟରଙ୍କ ଦ୍ୱାରା ସେବା ପ୍ରତ୍ୟାହାର ଇତ୍ୟାଦି ହିସାବରେ 20% ଅତିରିକ୍ତ ଗ୍ରାମ ଅନ୍ତର୍ଭୂକ୍ତ କରିବାକୁ ଏହି ପ୍ରକଳ୍ପର ବ୍ୟବସ୍ଥା ରହିଛି।
4) ଏହା ସହିତ, କେବଳ 2G/3G ସଂଯୋଗ ଥିବା 6,279 ଗାଁକୁ 4G କୁ ଉନ୍ନୀତ କରାଯିବ।
ଗତ ବର୍ଷ ସରକାର 5 ଟି ରାଜ୍ୟର 44 ଟି ଉଚ୍ଚକାଂକ୍ଷା ଜିଲ୍ଲାର 7,287 ଟି ଅଣ ସଂଯୋଗୀକରଣ ଗ୍ରାମରେ 4G ମୋବାଇଲ୍ ସେବା ଯୋଗାଇବା ପାଇଁ ଏକ ପ୍ରକଳ୍ପ ଅନୁମୋଦନ କରିଛନ୍ତି।
ଏହି ପ୍ରକଳ୍ପ ଆତ୍ମନିର୍ଭର ଭାରତର 4G ଟେକ୍ନୋଲୋଜି ଷ୍ଟାକ ବ୍ୟବହାର କରି ବିଏସଏନଏଲ ଦ୍ୱାରା କାର୍ଯ୍ୟକାରୀ ହେବ ଏବଂ ୟୁନିଭର୍ସାଲ ସର୍ଭିସ ବାଧ୍ୟତାମୂଳକ ପାଣ୍ଠି ମାଧ୍ୟମରେ ଅର୍ଥ ପ୍ରଦାନ କରାଯିବ। ଏହି ପ୍ରକଳ୍ପ କ୍ୟାପେକ୍ସ ଏବଂ 5 ବର୍ଷର ଓପେକ୍ସ ଅନ୍ତର୍ଭୁକ୍ତ ଯାହାର ମୂଲ୍ୟ 26,316 କୋଟି ଟଙ୍କା ରହିଛି।
ବିଏସଏନଏଲ ପୂର୍ବରୁ ଆତ୍ମନିର୍ଭର ଭାରତର 4G ଟେକ୍ନୋଲୋଜି ଷ୍ଟାକ ନିୟୋଜନ ପ୍ରକ୍ରିୟାରେ ଅଛି, ଯାହା ଏହି ପ୍ରକଳ୍ପରେ ମଧ୍ୟ ନିୟୋଜିତ ହେବ।
ଗ୍ରାମାଞ୍ଚଳରେ ମୋବାଇଲ୍ ସଂଯୋଗ ପାଇଁ ସରକାରଙ୍କ ଦୃଷ୍ଟିଭଙ୍ଗୀ ପାଇଁ ଏହି ପ୍ରକଳ୍ପ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ। ଏହି ପ୍ରକଳ୍ପ ମୋବାଇଲ୍ ବ୍ରଡବ୍ୟାଣ୍ଡ ମାଧ୍ୟମରେ ବିଭିନ୍ନ ଇ-ଶାସନ ସେବା, ବ୍ୟାଙ୍କିଙ୍ଗ୍ ସେବା, ଟେଲି ମେଡିସିନ୍, ଟେଲି-ଶିକ୍ଷା ଇତ୍ୟାଦି ବିତରଣକୁ ପ୍ରୋତ୍ସାହିତ କରିବ ଏବଂ ଗ୍ରାମାଞ୍ଚଳରେ ନିଯୁକ୍ତି ସୃଷ୍ଟି କରିବ।
ଏହି ପରିପ୍ରେକ୍ଷୀରେ ଓଡ଼ିଶାରେ ମୋବାଇଲ୍ 4G ସେବା ପାଇଁ ଅଣ ସଂଯୋଗୀକରଣ ଗ୍ରାମର ତାଲିକା ପ୍ରକାଶ କରାଯାଇ ଅଛି। ସେଥିମଧ୍ୟରୁ ଅନୁଗୁଳ ଜିଲ୍ଲାରେ 57 ଗ୍ରାମ ଅନ୍ତର୍ଭୁକ୍ତ ଥିବାବେଳେ ବାଲାଙ୍ଗୀର -07, ବାଲେଶ୍ୱର -11, ବରଗଡ -12, ବୌଧ -118, ଭଦ୍ରକ -16, କଟକ -37, ଦେବଗଡ଼ -83, ଢେଙ୍କାନାଳ -10, ଗଜପତି -238, ଗଞ୍ଜାମ -190, ଜଗତସିଂହପୁର -02, ଯାଜପୁର – 41, ଝାରସୁଗୁଡା -03, କଳାହାଣ୍ଡି-203, କନ୍ଧମାଳ -465, କେନ୍ଦ୍ରାପଡା -07, କେନ୍ଦୁଝର -80, ଖୋର୍ଦ୍ଧା -09, କୋରାପୁଟ -170, ମାଲକାନାଗିରି -102, ମୟୂରଭଞ୍ଜ -165, ନବରଙ୍ଗପୁର -15, ନୟାଗଡ଼ -30, ନୁଆପଡା -28, ପୁରୀ -04, ରାୟଗଡା -203, ସମ୍ବଲପୁର -81, ସୁବର୍ଣ୍ଣପୁର -05 ଏବଂ ସୁନ୍ଦରଗଡ -196 ଗ୍ରାମ ଅନ୍ତର୍ଭୁକ୍ତ।