ବଲିଉଡରେ ଡେବ୍ୟୁ କରିବେ ଆଲିଆ। କଥାଟି ଟିକେ ଅଜବ ଲାଗୁଥିବ ନିଶ୍ଚୟ। କିନ୍ତୁ ଏଠାରେ ଆଲିଆ ଭଟ୍ଟଙ୍କ କଥା କୁହାଯାଉନାହିଁ। ପୂଜା ବେଦୀଙ୍କ ଝିଅ ଆଲିଆ ଫଣ୍ଣିଚରଓ୍ବାଲାଙ୍କ ବିଷୟରେ କୁହାଯାଉଛି। ସୈଫ୍ ଅଲ୍ଲୀ ଖାନ୍ଙ୍କ ପ୍ରଯୋଜିତ ଆଗାମୀ ଫିଲ୍ମ ‘ଜଓ୍ବାନୀ ଜାନେମନ୍’ଜରିଆରେ ବଲିଉଡ୍ରେ ପାଦ ଥାପିବାକୁ ଯାଉଛନ୍ତି ଆଲିଆ। ନିନିତ୍ କନ୍ନଡ଼ଙ୍କ ନିର୍ଦ୍ଦେଶିତ ଏହି ଫିଲ୍ମରେ ଆଲିଆଙ୍କ ପିତା ଚରିତ୍ରରେ ନଜର ଆସିବେ ସୈଫ୍ ଅଲୀ ଖାନ୍। ତେବେ ଏହି ଫିଲ୍ମରେ ପୂର୍ବରୁ ସାରା ଅଭିନୟ କରିବେ ବୋଲି ସୂଚନା ରହିଥିଲା। ସୈଫ୍ ଆଲିଆଙ୍କ ଅଭିନୟକୁ ନେଇ କହିଛନ୍ତି ଯେ, ଫିଲ୍ମର ଚରିତ୍ର ପାଇଁ ଆଲିଆ ଉପଯୁକ୍ତ। ଚରିତ୍ରର ବୟସକୁ ଦୃଷ୍ଟିରେ ରଖାଯାଇ ସାରାଙ୍କ ସ୍ଥାନରେ ଆଲିଆଙ୍କୁ ନିଆଯାଇଛି ବୋଲି ସୈଫ୍ କହିଛନ୍ତି। ନବାଗତଙ୍କୁ ସୁଯୋଗ ମିଳିବା ଦରକାର ବୋଲି ମଧ୍ୟ ସୈଫ୍ କହିଛନ୍ତି। ତେବେ ଦେଖାଯାଉ ଆଲିଆ ତାଙ୍କର ପ୍ରଥମ ବଲିଉଡ୍ ଫିଲ୍ମରେ କେତେଦୂର ସଫଳ ହେଉଛନ୍ତି।
Tags:
