ଗୁରୁବାର ପୁଲଓ୍ବାମାରେ ଚାଲିଥିବା ସେନାର ଏନକାଉଣ୍ଟରରେ ୫ଜଣଙ୍କ ପ୍ରାଣହାନି ଘଟିଛି । ନିହତଙ୍କ ମଧ୍ୟରେ ୪ଜଣ ଆତଙ୍କବାଦୀ ରହିଥିବା ବେଳେ ୟୁନୁସ ଜଲାଲ ନାମକ ଜନୈକ ସାଧାରଣ ନାଗରିକ ପ୍ରାଣ ହରାଇଛନ୍ତି । ଏହି ଘଟଣାକ୍ରମରେ ଅନ୍ୟ ଦୁଇ ଜଣ ଯବାନ ଆହତ ହୋଇଥିବା ବେଳେ ଜଣେ ସାଧାରଣ ନାଗରିକ ଆହତ ହୋଇଛନ୍ତି । ଦକ୍ଷିଣ କାଶ୍ମୀରର ପୁଲଓ୍ବାମାରେ ସୁରକ୍ଷାକର୍ମୀ ଏବଂ ଆତଙ୍କୀଙ୍କ ମଧ୍ୟରେ ତିନିଘଣ୍ଟା ଧରି ଲାଗିଥିବା ଏହି ମୁକାବିଲାରେ ରାଷ୍ଟ୍ରୀୟ ରାଇଫଲ୍ସ, ସିଆରପିଏଫ୍ ଏବଂ ଏସ୍ଓଜି ଯବାନ ଭାଗ ନେଇଥିଲେ । ଏହି ଘଟଣା ପରେ ପୁଲଓ୍ବାମାରେ ଇଣ୍ଟରନେଟ୍ ସେବାକୁ ବନ୍ଦ କରି ଦିଆଯାଇଛି । ସେନା ପକ୍ଷରୁ ପୁଲଓ୍ବାମା, ଦାଲିପୋରା ଅଞ୍ଚଳରେ ସେନା ପକ୍ଷରୁ ସର୍ଚ୍ଚ ଅପରେସନ ଜାରି କରାଯାଇଛି ।
