ଦୀନେଶ ଭିଜନଙ୍କ ପ୍ରଯୋଜନାରେ ନିର୍ମାଣ ହେବାକୁ ଯାଉଛି ଚଳଚିତ୍ର ସିଦ୍ଦତ- ଜର୍ଣ୍ଣି ବିୟୋଣ୍ଡ ଲଭ୍ । ଫିଲ୍ମ ଜରିଆରେ ନିଜର ବଲିଉଡ୍ ପଦାର୍ପଣ କରିବାକୁ ଯାଉଛନ୍ତି ସନ୍ନି କୌଶଲ୍ । ସନ୍ନି ହେଉଛନ୍ତି ଷ୍ଟଣ୍ଟ ନିର୍ଦ୍ଦେଶକ ସାମ୍ କୌଶଲଙ୍କ ପୁଅ ଏବଂ ଭିକି କୌଶଲଙ୍କ ସାନ ଭାଇ । ସନ୍ନିଙ୍କ ବିପକ୍ଷରେ ଟେଲିଭିଜନ୍ ଷ୍ଟାର ରାଧିକା ମଦନ ଏହି ଚଳଚିତ୍ରରେ ନଜର ଆସିବେ । ସନ୍ନି ବର୍ତ୍ତମାନ କବୀର ଖାନଙ୍କ ଫିଲ୍ମ ୮୩ର ସୁଟିଂରେ ବ୍ୟସ୍ତଥିବା ବେଳେ ରାଧିକା ଅଙ୍ଗ୍ରେଜୀ ମିଡିୟମ୍ର ସୁଟିଂରେ ବ୍ୟସ୍ତ ଅଛନ୍ତି । ଏହି ଦୁଇ ଜଣଙ୍କ ବ୍ୟତୀତ ମୋହିତ ରାଇନା ଏବଂ ଡାଏନା ପେଣ୍ଟିଙ୍କୁ ମଧ୍ୟ ଏହି ଚଳଚିତ୍ରରେ ଦେଖିବାକୁ ମିଳିବ । ସେପ୍ଟେମ୍ବରରୁ ଏହି ଫିଲ୍ମର ସୁଟିଂ ଆରମ୍ଭ ହେବାକୁ ଥିବା ବେଳେ ୨୦୨୦ରେ ଏହା ରିଲିଜ ହେବ ବୋଲି ଜଣାପଡିଛି । ଶ୍ରୀଧର ରାଘବନ ଏବଂ ଧୀରଜ ରତ୍ତନ ଏହି ଫିଲ୍ମର କାହାଣୀ ଲେଖିଥିବା ବେଳେ କୁନାଲ ଦେଶମୁଖ ଚଳଚିତ୍ରର ନିର୍ଦ୍ଦେଶନା ଦେବେ । ଭିଜନଙ୍କ ମ୍ୟାଡ୍ଡକ୍ ପ୍ରଯୋଜନା ସଂସ୍ଥା ସହିତ ରାଧିକାଙ୍କ ଏହା ଦ୍ବିତୀୟ ଫିଲ୍ମ ହୋଇଥିବା ବେଳେ ଡାଏନାଙ୍କ ତୃତୀୟ ଫିଲ୍ମ ।
radhika madan and sunni will came togeter in upcoming move shiddat