ପୁଣିଥରେ ଛୋଟପରଦାକୁ ଫେରିବେ ଅଭିନେତା କରନ୍ ସିଂ ଗ୍ରୋଭର୍ । ମିଳିଥିବା ସୂଚନା ଅନୁସାରେ କରନ୍ ସିଂ ଗ୍ରୋଭର୍ ଷ୍ଟାର୍ପ୍ଲସ୍ରେ ପ୍ରସାରିତ ହେଉଥିବା ଲୋକପ୍ରିୟ ଧାରାବାହିକ ‘କସୌଟି ଜିନ୍ଦଗୀ କୀ -୨’ରେ ମିଷ୍ଟର ବଜାଜ୍ ଭୂମିକାରେ ନଜର ଆସିବେ । ପୂର୍ବରୁ ଏହି ଚରିତ୍ର ପାଇଁ କରନ୍ ଓ୍ବାହିଙ୍କୁ ଚୟନ କରାଯାଇଥିଲା ବୋଲି ସୂଚନା ରହିଥିଲା । ତେବେ କରନ୍ ଏହି ଧାରାବାହିକ ଜରିଆରେ ପୁଣି ଥରେ ଟେଲି ଦୁନିଆରେ ପାଦ ରଖିବେ । ପୂର୍ବରୁ ‘ଦିଲ୍ମିଲ ଗୟେ’, ’କୁବୁଲ୍ ହୈ’ ପରି ଧାରାବାହିକରେ ଅଭିନୟ କରି ବେଶ୍ ଲୋକପ୍ରିୟତା ପାଇଥିଲେ । ୨୦୧୬ରେ କରନ୍ଓ୍ବାହି ବଲିଉଡ୍ ଅଭିନେତ୍ରୀ ବିପାଶା ବସୁଙ୍କୁ ବିବାହ କରିଛନ୍ତି । ଏହି ଧାରାବାହିକରେ ଅଭିନୟ କରୁଥବା ଅଭିନେତ୍ରୀ ହିନା ଖାନ୍ ଶୋ’ ଛାଡୁଛନ୍ତି । ଏଥିରେ ହିନା ଖାନ୍ଙ୍କ ଚରିତ୍ର କୋମଲିକାର ମୃତ୍ୟୁ ଘଟୁଛି । ତେବେ ଏହି ଧାରାବାହିକକୁ ଜଣେ ଅଭିନେତ୍ରୀ ଛାଡୁଥିବାବେଳେ ଆଉ ଜଣେ ଲୋକପ୍ରିୟ ଅଭିନେତାଙ୍କ ଏଣ୍ଟ୍ରି ଦର୍ଶକଙ୍କୁ ନିଶ୍ଚୟ ପ୍ରଭାବିତ କରିବ ବୋଲି ଆଶା କରାଯାଉଛି ।
