ଅଭିନେତାରୁ ରାଜନେତା ବନିଥିବା ତାମିଲ ସୁପରଷ୍ଟାର କମଲ ହାସନ ନିଜର ହିନ୍ଦୁ ଆତଙ୍କବାଦ ମନ୍ତବ୍ୟକୁ ନେଇ ସମାଲୋଚନାର ଶିକାର ହୋଇଥିଲେ । ଶୁକ୍ରବାର ହସନ କହିଛନ୍ତି କି ସମସ୍ତ ଧର୍ମରେ ଆତଙ୍କବାଦୀ ରହିଛନ୍ତି । ଇତିହାସକୁ ଦେଖିଲେ ଆପଣ ଜାଣି ପାରିବେ ସମସ୍ତ ଧର୍ମରେ ଭିନ୍ନ ଭିନ୍ନ ଆତଙ୍କବାଦୀ ରହିଛନ୍ତି । ସମସ୍ତ ଧର୍ମର ନିଜସ୍ବ ଆତଙ୍କବାଦୀ ରହିଥିବା ସମ୍ପର୍କରେ ମୁଁ କହିଥିଲି ବୋଲି କହିଛନ୍ତି ହାସନ । ଗତକାଲି ତାଙ୍କ ଉପରକୁ ଚପଲ ଫୋପଡାଯିବା ଏବଂ ଏକ ଏଫ୍ଆଇଆର ରୁଜୁ କରାଯିବା ପରେ ଏକ ସାକ୍ଷାତକାରରେ ଏହି ମନ୍ତବ୍ୟ ଦେଇଛନ୍ତି ସୁପରଷ୍ଟାର କମଲ ହାସନ । ସୂଚନାଯୋଗ୍ୟ ଯେ, ରବିବାର ଦିନ ଏହି ଭେଟେରାନ ଅଭିନେତା ନାଥୁରାମ ଗଡ୍ସେ ସ୍ବାଧୀନ ଭାରତର ପ୍ରଥମ ହିନ୍ଦୁ ଆତଙ୍କବାଦୀ ବୋଲି ଅଭିହିତ କରିଥିଲେ ଯାହାକୁ ନେଇ ବିଭିନ୍ନ ମହଲରୁ କମଲଙ୍କୁ ବିରୋଧ କରା ଯାଇଥିଲା । ଏପରି ଚପଲ ଫୋପଡା ଏବଂ ଆକ୍ରମଣାତ୍ମକ ବୟାନ ମୋତେ ରୋକି ପାରିବ ନାହିଁ ବୋଲି କହିଥିଲେ କମଲ ହାସନ ।
Tags:
