ଲାଭା ପରି ଦହନଶୀଳ ପଦାର୍ଥ ତ୍ରିପୁରାରୁ ବାହାରୁଛି । ଅଗରତାଲାର ମଧୁବନ ଅଞ୍ଚଳର କଥାଲତାଲି ଗ୍ରାମରୁ ଏହି ଦହନଶୀଳ ପଦାର୍ଥ ବାହାରୁ ଥିବାର ସୂଚନା ମିଳିଛି । ତ୍ରିପୁରା ମହାକାଶ ବିଜ୍ଞାନ ସଂସ୍ଥାନ (ଟିସିଏସ୍ସି)ର ବୈଜ୍ଞାନିକ ମାନେ ଏହି ଲାଭା ପରି ପଦାର୍ଥର ପରୀକ୍ଷଣ କରୁଛନ୍ତି । ଏହି ରାଜ୍ୟରେ ବିଗତ ଏକ ବର୍ଷ ମଧ୍ୟରେ ଏହା ଚତୁର୍ଥ ଘଟଣା । ଏହି ଦହନଶୀଳ ପଦାର୍ଥର ପରୀକ୍ଷଣ ପରେ ଏହା ଆଗ୍ନେୟ ଉଦ୍ଗୀରଣରୁ ବାହାରିଥିବା ନେଇ ମତ ରଖିଛନ୍ତି ଭୂତତ୍ତ୍ବବିତ୍ ଅଭିଷେକ ଚୌଧୁରୀ । 5 ନମ୍ବର ସେସ୍ମିକ୍ ଜୋନ୍ରେ ରହୁଥିବାରୁ ତ୍ରିପୁରା ଅତ୍ୟନ୍ତ ଭୂକମ୍ପପ୍ରବଣ ଅଞ୍ଚଳ ଭାବରେ ପରିଚିତ । ଏହି ଘଟଣା ଉପରେ ତ୍ରିପୁରା ସରକାର କଡା ନଜର ରଖିଛନ୍ତି ବୋଲି କହିଛନ୍ତି ଜନୈକ ଅଧିକାରୀ । ଉଲ୍ଲେଖ ଯୋଗ୍ୟଯେ, ଭାରତର ଏହି ଉତ୍ତର ପୂର୍ବୀୟ ଇଲାକା ବିଶ୍ବର ଷଷ୍ଠ ଭୂକମ୍ପ ପ୍ରବଣ ଅଞ୍ଚଳ । 1897ରେ ଏହି ଅଞ୍ଚଳରେ 8.7 ତୀବ୍ରତାର ଏକ ଭୂକମ୍ପ ଘଟି ଅନ୍ୟୁନ 1600 ଲୋକଙ୍କ ପ୍ରାଣହାନି ଘଟିଥିଲା ।
lava like flamable substance erupting ffrom tripura