ଫ୍ରାନ୍ସ ଫୁଟ୍ବଲ୍ ଷ୍ଟାର ଆଣ୍ଟୋନିଓ ଗ୍ରୀଜ୍ମ୍ୟାନ୍ ଆଟଲେଟିକେ ଡି ମାଦ୍ରିଦ୍ ଛାଡିବାର ନିଷ୍ପତ୍ତି ନେଇଛନ୍ତି । ଆଟଲେଟିକୋ ମାଦ୍ରିଦ୍ର ଅଫିସିଆଲ ଟ୍ବିଟ୍ଟର ହ୍ୟାଣ୍ଡେଲରୁ ଏହି ମେସେଜ୍ ସେୟାର କରିଛନ୍ତି ଗ୍ରୀଜ୍ମ୍ୟାନ୍ । ନିଜ ଫ୍ୟାନ୍ ମାନଙ୍କୁ ଏକ ଭିଡିଓ ମେସେଜ୍ ଜରିଆରେ ଧନ୍ୟବାଦ ଜଣାଇବା ସହିତ ଚଳିତ ସିଜିନ୍ ଶେଷରେ ଦଳ ଛାଡିବା ନେଇ ଘୋଷଣା କରିଛନ୍ତି । ବିଗତ ପାଞ୍ଚ ବର୍ଷ ହେବ ବିଶ୍ବ ବିଜେତା ଫ୍ରାନ୍ସର ଷ୍ଟ୍ରାଇକର ଗ୍ରୀଜ୍ମ୍ୟାନ୍ ଆଟଲେଟିକୋ ସହିତ ରହିଛନ୍ତି । କ୍ଲବ୍ ଛାଡିବା ନେଇ କ୍ଲବ୍ର ମ୍ୟାନେଜର ଡିଏଗୋ ସିମୋନ୍ ଏବଂ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ମିଗୁଏଲ ଆଞ୍ଜେଲ ଗିଲ୍ ମାରିନ୍ଙ୍କୁ ସୂଚନା ଦେଇଥିବା ନେଇ କହିଛନ୍ତି ଗ୍ରୀଜମ୍ୟାନ୍ । ଏକ ବର୍ଷ ତଳେ ଏଫ୍ସି ବାର୍ସେଲୋନାର ପ୍ରସ୍ତାବକୁ ଛାଡିଥିବା ଗ୍ରୀଜ୍ମ୍ୟାନ୍ ବାର୍ସେଲୋନାରେ ଯୋଗ ଦେବାର ସମ୍ଭାବନା ରହିଛି ।
Tags:
