ଭାରତରେ ବିଭିନ୍ନ ହୋଟେଲ ବ୍ୟବସାୟର ଅଧିଗ୍ରହଣ କରିବା ପାଇଁ ଟାଟା ଗ୍ରୁପ୍ ୪ ହଜାର କୋଟି ନିବେଶ କରିବ ବୋଲି ଜଣା ପଡିଛି । ସିଙ୍ଗାପୁରର ସୋଭେରିନ୍ ଗ୍ରୁପ୍ ସହିତ ସହବନ୍ଧନରେ ଆଗାମୀ ତିନି ବର୍ଷରେ ଏହି ଅର୍ଥ ରାଶି ନିବେଶ କରାଯିବ ବୋଲି ଜଣାପଡିଛି । ଟାଟା କମ୍ପାନୀ ଦ୍ବାରା ପରିଚାଳିତ ଇଣ୍ଡିଆନ୍ ହୋଟେଲ୍ସ କମ୍ପାନୀ ଲିମିଟେଡ୍ (ଆଇଏଚ୍ସିଏଲ୍) ଏବଂ ସୋଭେରିନ୍ ଗ୍ରୁପ୍ ମଧ୍ୟରେ ୬୦୦ ମିଲିୟନ୍ ଡଲାରର ଚୁକ୍ତି ସ୍ବାକ୍ଷରିତ ହୋଇଛି । ଏହି ଚୁକ୍ତି ଅନୁଯାୟୀ ଭାରତରେ ବିଳାସମୟ ହୋଟେଲ ନିର୍ମାଣ ଏବଂ ଅଧିଗ୍ରହଣ କରାଯିବ । ଏହି ଚୁ୍କ୍ତି ଆଇଏଚ୍ସିଏଲ୍କୁ 2022 ସୁଦ୍ଧା ଦକ୍ଷିଣ ଏସିଆର ଏକ ନମ୍ବର ସ୍ଥାନରେ ପହଞ୍ଚାଇବ ବୋଲି କମ୍ପାନୀର ପରିଚାଳନା ନିର୍ଦ୍ଦେଶକ ତଥା ମୁଖ୍ୟ କାର୍ଯ୍ୟ ନିର୍ବାହି ଅଧିକାରୀ ପୁନିତ୍ ଚଟ୍ଓ୍ବାଲ୍ ପ୍ରକାଶ କରିଛନ୍ତି ।
tata group invest 4 thousand crore
