ଜାତିର ପିତା ମହାତ୍ମା ଗାନ୍ଧୀଙ୍କ ଉପରେ ଫେସବୁକରେ ବିବାଦୀୟ ପୋଷ୍ଟ ଲେଖିଥିବା ମଧ୍ୟପ୍ରଦେଶ ବିଜେପି ମୁଖପାତ୍ର ଅନୀଲ ସୌମିତ୍ରଙ୍କୁ ଶୁକ୍ରବାର ଦଳରୁ ନିଲମ୍ବନ କରାଯାଇଛି। ଅନୀଲ ସୌମିତ୍ର ମହାତ୍ମା ଗାନ୍ଧୀଙ୍କୁ ନେଇ ଫେସବୁକରେ ଲେଖିଛନ୍ତି ଯେ ‘ଜାତିର ପିତା ଥଲେ, କିନ୍ତୁ ପାକିସ୍ତାନର। ଭାରତରେ ତାଙ୍କ ଭଳି କୋଟି କୋଟି ପୁତ୍ର ଜନ୍ମ ହୋଇଥିଲେ। କିଛି ଯୋଗ୍ୟ ଓ କିଛି ଅଯୋଗ୍ୟ ଥିଲେ।’ ଅନୀଲ ସୌମିତ୍ର ମଧ୍ୟପ୍ରଦେଶ ବିଜେପି ମିଡିଆ ସଂପର୍କ ବିଭାଗର ମୁଖ୍ୟ ଥିଲେ। ବିଜେପି ତାଙ୍କୁ ଦଳର ପ୍ରାଥମିକ ସଦ୍ୟତା ପଦରୁ ନିଲମ୍ବିତ କରିବା ସହ ୭ ଦିନ ମଧ୍ୟରେ ଜବାବ ରଖିବାକୁ ନିର୍ଦେଶ ଦେଇଛି। ଗତକାଲି ବିଜେପି ପ୍ରାର୍ଥୀ ସାଧ୍ୱୀ ପ୍ରଜ୍ଞା ଠାକୁର ମହାତ୍ମା ଗାନ୍ଧୀଙ୍କ ହତ୍ୟାକାରୀ ନାଥୁରାମ ଗୋଡ଼ସେଙ୍କୁ ଦେଶଭକ୍ତ କହିଥିଲେ। ଏହି ମନ୍ତବ୍ୟ ପାଇଁ ତାଙ୍କୁ ବିରୋଧୀମାନେ ସମାଲୋଚନା କରିଥିଲେ। ବିଜେପି ସାଧ୍ବୀ ପ୍ରଜ୍ଞାଙ୍କୁ ଏହି ମନ୍ତବ୍ୟ ପାଇଁ କ୍ଷମା ମାଗିବାକୁ କହିଥିବାବେଳେଏପରି ମନ୍ତବ୍ୟ ପାଇଁ ମୋଦୀ ସାଧ୍ୱୀଙ୍କୁ କେବେ ବି କ୍ଷମା କରିପାରିବେ ନାହିଁ ବୋଲି କହିଛନ୍ତି।
