ନୂଆଦିଲ୍ଲୀ: ଆଜି ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ସାକ୍ଷାତ କରିଛନ୍ତି କଂଗ୍ରେସର ଅନ୍ତରିଣ ଅଧ୍ୟକ୍ଷା ସୋନିଆ ଗାନ୍ଧୀ। ସେ ରାଷ୍ଟ୍ରପତି ଭବନକୁ ଯାଇ ଏହି ସାକ୍ଷାତ କରିଛନ୍ତି। ରାଷ୍ଟ୍ରପତି ଭାବେ ଦ୍ରୌପଦୀ ମୁର୍ମୁ ଜିତିବା ପରେ କଂଗ୍ରେସ ମୁଖ୍ୟ ଭାବେ ତାଙ୍କର ଏହା ପ୍ରଥମ ସାକ୍ଷାତକାର। ସୋନିଆ ରାଷ୍ଟ୍ରପତିଙ୍କ ସହିତ କିଛି ସମୟ ପାଇଁ ଆଲୋଚନା କରିଥିଲେ।
ରାଷ୍ଟ୍ରପତି ଭାବେ ଦ୍ରୌପଦୀ ମୁର୍ମୁ ଜିତିବା ପରେ ତାଙ୍କୁ ସାକ୍ଷାତ କରିବା ପାଇଁ ଭିଭିଆଇପିଙ୍କ ଧାଡି ଲାଗିଛି। ସେ ଯେଉଁଦିନ ଜିତିଥିଲେ ସେହିଦିନଠାରୁ ଆଜି ପର୍ଯ୍ୟନ୍ତ ତାଙ୍କୁ ଦେଶର ସର୍ବୋଚ୍ଚ ନେତାମାନେ ସାକ୍ଷାତ କରିବାରେ ଲାଗିଛନ୍ତି। ଏମାନଙ୍କ ମଧ୍ୟରେ ଅଛନ୍ତି ପ୍ରଧାନମନ୍ତ୍ରୀ, ଗୃହମନ୍ତ୍ରୀ, ପ୍ରତିରକ୍ଷା ମନ୍ତ୍ରୀଙ୍କ ସହିତ ବିଦେଶ ପ୍ରତିନିଧୀ ଦଳ।
