ଖୋର୍ଦ୍ଧା: ଖୋର୍ଦ୍ଧା ପୋଲିସ ଉପଖଣ୍ଡର ନୂତନ ଏସଡିପିଓ ଭାବେ କାର୍ଯ୍ୟରେ ଯୋଗଦେଇଛନ୍ତି ଓପିଏସ ଅଧିକାରୀ ଦିଲ୍ଲୀପ କୁମାର ଦାସ। ଶ୍ରୀ ଦାସ ଏହା ପୁର୍ବରୁ କମିଶନେରେଟ ପୋଲିସ ଅଧୀନରେ କଟକ ଟ୍ରାଫିକ ଏସିପି ଭାବେ କାର୍ଯ୍ୟରତ ଥିଲେ। ୨୦୧୫ ବ୍ୟାଚର ଉକ୍ତ ଓପିଏସ ଅଧିକାରୀ ଅପରାଧୀଙ୍କୁ ସାବଡ଼ କରିବାରେ ବେସ ସିଦ୍ଧହସ୍ତ। ପୁର୍ବରୁ ବ୍ରଜରାଜନଗର ଏସଡିପିଓ ଭାବେ କାର୍ଯ୍ୟରତ ଥିବା ବେଳେ ମଧ୍ୟ ବେସ ପ୍ରଶଂସା ସାଉଁଟିଛନ୍ତି ଏହି ଅଧିକାରୀ।
ତେବେ ଖୋର୍ଦ୍ଧା ପୋଲିସ ଉପଖଣ୍ଡରେ ବ୍ରାଉନ ସୁଗାର କାରବାର ହୁ ହୁ ହୋଇ ବଢୁଥିବା ବେଳେ ତାହାକୁ କିପରି ରୋକାଯାଇପାରିବ ସେ ଦିଗରେ କାର୍ଯ୍ୟ କରିବେ ବୋଲି କହିଛନ୍ତି ଏସଡିପିଓ ଶ୍ରୀ ଦାସ। ଅନୁରୂପ ଭାବେ ଉପଖଣ୍ଡରେ ଖଣି ଲୁଟ, ଡକାୟତି, ଜାତୀୟ ରାଜପଥରେ ରାହାଜାନି ଏବଂ ବିଶେଷ କରି ସାଇବର ଅପରାଧର ମୁଳୋତ୍ପାଟନ ଦିଗରେ କାର୍ଯ୍ୟ ଜାରି ରହିବ ବୋଲି ଶ୍ରୀ ଦାସ କହିଛନ୍ତି।
ସୂଚନା ଥାଉକି ନିକଟରେ ଓପିଏସ ଦିଲ୍ଲୀପ କୁମାର ଦାସଙ୍କ କମିଶନେରେଟ ପୋଲିସ କଟକରୁ ଖୋର୍ଦ୍ଧା ଏସଡିପିଓ ଭାବେ ବଦଳି ହୋଇଥିବା ବେଳେ ଖୋର୍ଦ୍ଧା ଏସଡିପିଓ ସୁଶୀଲ କୁମାର ମିଶ୍ରଙ୍କର ଘଟଗାଁ ଏସଡିପିଓ ଭାବେ ବଦଳି ହୋଇଥିଲା।
