ଚଳିତ ବର୍ଷର ଏଗଜିଟ୍ ପୋଲ୍ ରିପୋର୍ଟ ପ୍ରକାଶ ପାଇଥିବା ବେଳେ ଏଥିରେ ଏନ୍ଡିଏ ମେଣ୍ଟକୁ ବହୁମତ ମିଳିଛି । ମାତ୍ର ବିଜେପିର ଅନ୍ୟତମ ସହଯୋଗୀ ଦଳ ଏଆଇଡିଏମ୍କେ ପକ୍ଷରୁ ଏହି ସମସ୍ତ ଏଗଜିଟ୍ ପୋଲ୍ ରିପୋର୍ଟକୁ ଏକ ମିଥ୍ୟା ବୋଲି କୁହାଯାଇଛି । ତାମିଲ୍ନାଡୁ ମୁଖ୍ୟମନ୍ତ୍ରୀ ତଥା ଏଆଇଡିଏମ୍କେ ମୁଖ୍ୟ ଇ ପଲାନିସ୍ବାମୀ ଏହି ଏକ୍ସିଟ୍ ପୋଲ୍ ରିପୋର୍ଟକୁ ଅସ୍ବୀକାର କରିଛନ୍ତି । କିଛି ନ୍ୟୁଜ୍ ଚ୍ୟାନେଲ ରିପୋର୍ଟ ଅନୁଯାୟୀ ୟୁପିଏ ସହିତ ରହିଥିବା ଡିଏମ୍କେ ୩୯ରୁ ୨୭ଆସନରେ ବିଜୟୀ ହେବ । ଅନ୍ୟ କିଛି ଚ୍ୟାନେଲ୍ ଏହି ସଂଖ୍ୟାକୁ ୩୪ ଦେଖାଇଛନ୍ତି । ଏହି ଏଗଜିଟ୍ ପୋଲ୍ରେ ଏଆଇଡିଏମ୍କେକୁ ୧୧ଟି ଆସନ ପ୍ରଦାନ କରାଯାଇଛି । ତାମିଲନାଡୁ ଏବଂ ପୁଡୁଚେରୀରେ ଏଆଇଡିଏମ୍କେ ସମସ୍ତ ୩୯ ଆସନରେ ବିଜୟୀ ହେବାକୁ ଯାଉଛି ବୋଲି କହିଛନ୍ତି ପଲାନିସ୍ବାମୀ । ୨୦୧୪ ଜାତୀୟ ନିର୍ବାଚନରେ ଜୟଲଳିତାଙ୍କ ନେତୃତ୍ବରେ ଏଆଇଡିଏମ୍କେ ୩୭ ଆସନରେ ବିଜୟୀ ହୋଇଥିଲା । ଏହା ସହିତ ବିଜେପି ଜାତୀୟ ଗଣମାଧ୍ୟମ ଗୁଡିକୁ ନିଜ ନିୟନ୍ତ୍ରଣରେ ରଖି ଏପରି ମିଥ୍ୟା ଖବରର ପ୍ରସାରଣ କରୁଛିକ ବୋଲି ପଲାନିସ୍ବାମୀ ଅଭିଯୋଗ କରିଛନ୍ତି ।
ଏଆଇଏଡିଏମକେକୁ ବଡ ଝଟକା: ଇସ୍ତଫା ଦେଲେ ଆଉ ଜଣେ ବିଧାୟକ