ନୂଆଦିଲ୍ଲୀ: ଆଜି ଏକନାଥ ସିନ୍ଦେ ଦଳକୁ ନିର୍ବାଚନ ଆୟୋଗ ମଧ୍ୟ ନିର୍ବାଚନ ଚିହ୍ନ ଦେଇଛନ୍ତି। ଆୟୋଗ ତାଙ୍କୁ ଦୁଇଟି ଖଣ୍ଡା ଏବଂ ଢାଲ ସହିତ ଏକ ଚିହ୍ନପ୍ରଦାନ କରିଛନ୍ତି। ଉଦ୍ଧବ ଠାକରେଙ୍କୁ ମଶାଲ ଚିହ୍ନ ପ୍ରଦାନ କରାଯାଇଛି। ଏଥି ସହିତ ତାଙ୍କ ଦଳର ନାମ ଶିବସେନା ଉଦ୍ଧବ ବାଲାସାହେବ ଠାକରେ ରଖାଯାଇଛି। ଏଥି ସହିତ, ଶିବସେନାର ଦ୍ୱିତୀୟ ଦଳ ଅର୍ଥାତ୍ ଏକନାଥ ସିନ୍ଦେ ଦଳର ନାମକୁ ‘ବାଲାସାହେବ ଆଞ୍ଚି ଶିବସେନା’ ନାମରେ ନାମିତ କରାଯାଇଛି।
ନିର୍ବାଚନ ଆୟୋଗ ଚିଠିରେ ଲେଖିଛନ୍ତି ଯେ, ‘ସିନ୍ଦେ ଦଳ ଦ୍ୱାରା ପରାମର୍ଶ ଦିଆଯାଇଥିବା ନିର୍ବାଚନ ଚିହ୍ନ ଖଣ୍ଡା-ଢାଲ ମୁକ୍ତ ନିର୍ବାଚନ ଚିହ୍ନ ତାଲିକାରେ ନଥିଲା। ଏହା ‘ପିପୁଲ୍ସ ଡେମୋକ୍ରାଟିକ୍ ମୁଭମେଣ୍ଟ’ର ପୂର୍ବ ସଂରକ୍ଷିତ ଚିହ୍ନ’ ଦୁଇ ଖଣ୍ଡା ଏବଂ ଢାଲ ସଦୃଶ, ଯାହା ୨୦୦୪ ରେ ରାଜ୍ୟ ଦଳ ଭାବରେ ମାନ୍ୟତା ପାଇ ନଥିଲା … ଆପଣଙ୍କ ଅନୁରୋଧ କ୍ରମେ ଆୟୋଗ “ଦୁଇଟି ଖଣ୍ଡା ଏବଂ ଢାଲ” କୁ ଏକ ସ୍ଵତନ୍ତ୍ର ଚିହ୍ନ ଭାବରେ ଘୋଷଣା କରିବାକୁ ନିଷ୍ପତ୍ତି ନେଲେ। ବିବାଦର ଅନ୍ତିମ ଆଦେଶ ପର୍ଯ୍ୟନ୍ତ ଏହାକୁ ବଣ୍ଟନ କରାଯାଇଛି।
ଉଲ୍ଲେଖ ଯୋଗ୍ୟ ଯେ, ନଭେମ୍ବର ୩ ତାରିଖରେ ମହାରାଷ୍ଟ୍ରର ଅନ୍ଧେରି ପୂର୍ବ ବିଧାନସଭା ଆସନରେ ଉପ-ନିର୍ବାଚନ ଅନୁଷ୍ଠିତ ହେବ। ଶିବସେନା ବିଧାୟକ ରମେଶ ଲାଟକେଙ୍କ ମୃତ୍ୟୁ ପରେ ଏହି ଆସନ ଖାଲି ଅଛି। ନାମାଙ୍କନ ପାଇଁ ଅକ୍ଟୋବର ୧୪ ତାରିଖ ହେଉଛି ଶେଷ ଦିନ। ଅକ୍ଟୋବର ୧୭ ତାରିଖ ପର୍ଯ୍ୟନ୍ତ ନାମଗୁଡିକ ପ୍ରତ୍ୟାହାର କରାଯାଇପାରିବ। ଫଳାଫଳ ନଭେମ୍ବର ୬ ତାରିଖରେ ଆସିବ। ଉପ-ନିର୍ବାଚନରେ ଉଦ୍ଧବ ଠାକେର ଦଳ ପ୍ରତିଦ୍ୱନ୍ଦ୍ୱିତା କରୁଛନ୍ତି। ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ସିନ୍ଦେ ଦଳର ସହଯୋଗୀ ବିଜେପି ମଧ୍ୟ ନିଷ୍ପତ୍ତି ନେଇଛି।