ଭୁବନେଶ୍ବର: ଆଜି ବିଜୁ ଜନତା ଦଳ ଧାମନଗର ଉପନିର୍ବାଚନ ପାଇଁ ତାହାର ଷ୍ଟାର ପ୍ରଚାରକ ତାଲିକା ପ୍ରକାଶ କରିଛି। ଏଥିରେ ମୋଟ 40 ଜଣ ଷ୍ଟାର ପ୍ରଚାରକ ଅଛନ୍ତି। ପ୍ରଥମେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଥିବା ବେଳେ 2ୟରେ ପ୍ରଣବ ପ୍ରକାଶ ଦାସ ଅଛନ୍ତି।
ଆସନ୍ତା ନଭେମ୍ବର 3 ତାରିଖରେ ଧାମନଗର ଉପନିର୍ବାଚନ ହେବ। ଏଥିପାଇଁ ପ୍ରମୁଖ ତିନି ଦଳ ପ୍ରାର୍ଥୀପତ୍ର ଦାଖଲ କରିସାରିଛନ୍ତି। ସ୍ବାଧୀନ ପ୍ରାର୍ଥୀ ଭାବେ ପ୍ରାର୍ଥୀପତ୍ର ଦାଖଲ କରିଛନ୍ତି ରାଜେନ୍ଦ୍ର ଦାସ। ଏହି ଷ୍ଟାର ପ୍ରଚାରକ ତାଲିକା ବାହାରିବା ପରେ ବର୍ତ୍ତମାନ ମଇଦନ ଦୁଲୁକିବ।