ଭୁବନେଶ୍ବର: ମଙ୍ଗଳବାରରେ ସଂଗଠିତ ହେଉଛି ସୂର୍ଯ୍ୟ ପରାଗ। ଏହି ପରାଗ ଭାରତରେ ଆଂଶିକ ଭାବେ ପରିଲକ୍ଷିତ ହେବ। ଏହି ପରାଗ ହେଉଛି ଚଳିତ ବର୍ଷର ଶେଷ ସୂର୍ଯ୍ୟ ପରାଗ। ସୂର୍ଯ୍ୟ ପରାଗ ଓଡିଶାରେ ୨୫ ତାରିଖ ଅପରାହ୍ନ ୪ଟା ୪୫ ମିନଟ ୫୫ ସେକେଣ୍ଡରେ ସ୍ପର୍ଶ କରୁଛି। ଫଳରେ ଆସନ୍ତାକାଲି ଭୋରରୁ ପାକତ୍ୟାଗ କରାଯାଉଛି।
ତେବେ ଏହି ପରାଗ ଭୁବନେଶ୍ବରରେ କେତେବେଳେ ଦେଖାଦେବ ତାହାର ସମୟ ନିର୍ଘଣ୍ଟ ପ୍ରକାଶ ପାଇଛି। ସେହି ଅନୁସାରେ ଭୁବନେଶ୍ବରରେ ଏହି ପରାଗ ୪ଟା ୫୭ ମିନିଟରେ ଦୃଶ୍ୟମାନ ହେବ। ଏହା ରାଜଧାନୀରେ ମାତ୍ର ୧୭ ମିନିଟ ପାଇଁ ରହିବ ବୋଲି ଭୁବନେଶ୍ବର ପାଣିପାଗ ବିଭାଗ ତରଫରୁ ସୂଚନା ଦିଆଯାଇଛି।
