ଭୁବନେଶ୍ବର: ଧାମନଗର ଉପନିର୍ବାଚନ ପାଇଁ ଚାଲିଛି ମତଦାନ ପକ୍ରିୟା। ଏଥିରେ ସକାଳୁ ଭୋଟରମାନେ ଲମ୍ବା ଧାଡିରେ ଭୋଟଦାନ କରୁଥିବାରୁ ପରିଲକ୍ଷିତ ହୋଇଛି। ତେବେ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ କାର୍ଯ୍ୟାଳୟ ତରଫରୁ ଭୋଟ ପ୍ରତିଶତ ଘୋଷଣା କରାଯାଇଛି। ସେହି ଅନୁସାରେ ଧାମନଗର ଉପନିର୍ବାଚନରେ ସକାଳ 9ଟା ସୁଦ୍ଧା 10.25 ପ୍ରତିଶତ ଭୋଟ ଗ୍ରହଣ ହୋଇଛି।
ଏହି ମତଦାନରେ ପ୍ରାୟ ୨,୩୮,୪୧୭ ଭୋଟର ଅଂଶଗ୍ରହଣ କରୁଛନ୍ତି ଯେଉଁଥିରେ ୧,୨୩,୦୩୮ ପୁରୁଷ, ୧,୧୫,୩୪୬ ମହିଳା ଏବଂ ୩୩ ଉଭୟ ଲିଙ୍ଗି ରହିଛନ୍ତି। ମତଦାନ ପାଇଁ ୨୫୨ ବୁଥର ବନ୍ଦୋବସ୍ତ କରାଯାଇଛି। ଏହି ମତଦାନ ପାଇଁ ମୋଟ ୯୯୭ ପୋଲିସ୍ କର୍ମଚାରୀ, ଅଧିକାରୀ, ସଶସ୍ତ୍ର ପୋଲିସ, ହାଭିଲଦାର, କନଷ୍ଟେବଳ ଏବଂ ହୋମ ଗାର୍ଡଙ୍କ ସମେତ ୦୪ ଟି କମ୍ପାନୀ ସିଏପିଏଫ ନିୟୋଜିତ ହୋଇଛନ୍ତି।