ସପ୍ତଦଶ ଲୋକସଭାର ଭୋଟ୍ ଗଣତି ପ୍ରକ୍ରିୟା ଆରମ୍ଭ ହୋଇଯାଇଛି । ଇଭିଏମ୍ରେ ସିଲ୍ ହୋଇଥିବା ନେତାଙ୍କ ଭାଗ୍ୟର ଫଳାଫଳ ଆଜି ଜଣାପଡ଼ିବ । ପାଖାପାଖି ୪୦ ଦିନ ଧରି ଚାଲିରହିଥିବା ସାତ ପର୍ଯ୍ୟାୟ ବିଶିଷ୍ଟ ନିର୍ବାଚନରେ ଫଳାଫଳ ଆସିବା ପରେ ସରକାର ଗଠନ ନେଇ ଚିତ୍ର ସ୍ପଷ୍ଟ ହେବ । ତେବେ ଏପର୍ଯ୍ୟନ୍ତ ଆସିଥିବା ଫଳାଫଳକୁ ଦେଖିଲେ ମୋଦି ସରକାର ପୁନର୍ବାର ସଫଳତାର ସହ ଶାସନ କ୍ଷମତାକୁ ଆସିବାକୁ ଯାଉଛନ୍ତି। ଓଡ଼ିଶା ରାଜନୀତିରେ ବିଜେଡ଼ି ଓ ବିଜେପି ମଧ୍ୟରେ ବିଜେଡ଼ିର ପଲ୍ଲା ବେଶ୍ ଭାରି ରହିଛି । ତେବେ ଉମରକୋଟ୍ର ବିଜେପି ବିଧାନସଭା ପ୍ରାର୍ଥୀ ନିତ୍ୟାନନ୍ଦ ଗୋଣ୍ଡ ବିଜୟୀ ହୋଇ ବିଜେପି ଓଡ଼ିଶାରେ ଖାତା ଖୋଲିଛି ।
