ଭୁବନେଶ୍ବର: ଭାରତର ରାଷ୍ଟ୍ରୀୟ ଗ୍ରୀଡ୍ ଅପରେଟର ‘ପାୱାର ସିଷ୍ଟମ୍ ଅପରେସନ କର୍ପୋରେସନ ଲିମିଟେଡ୍ (ପୋସୋକୋ)’ ର ନାମକୁ ପରିବର୍ତ୍ତନ କରାଯାଇ ‘ଗ୍ରୀଡ୍ କଣ୍ଟ୍ରୋଲର ଅଫ୍ ଇଣ୍ଡିଆ ଲିମିଟେଡ୍’ କରାଯାଇଛି। ଭାରତୀୟ ବିଦ୍ୟୁତ୍ ଗ୍ରୀଡ୍ର ଅଖଣ୍ଡତା, ନିର୍ଭରଯୋଗ୍ୟତା, ମିତବ୍ୟୟିତା, ନମନୀୟତା ଏବଂ ପରିପୋଷଣୀୟ କାର୍ଯ୍ୟକଳାପକୁ ସୁନିଶ୍ଚିତ କରିବା ନିମନ୍ତେ ଗ୍ରୀଡ୍ ପରିଚାଳକ ମାନଙ୍କର ଗୁରୁତ୍ୱପୂର୍ଣ୍ଣ ଭୂମିକାକୁ ପ୍ରତିଫଳିତ କରିବା ଉଦ୍ଦେଶ୍ୟରେ ନାମରେ ପରିବର୍ତ୍ତନ କରାଯାଇଛି।
‘ଗ୍ରୀଡ୍ କଣ୍ଟ୍ରୋଲର ଅଫ୍ ଇଣ୍ଡିଆ ଲିମିଟେଡ୍’ ନାମ ପରିବର୍ତ୍ତନ ଏକ ସ୍ୱାଗତଯୋଗ୍ୟ ପଦକ୍ଷେପ ଯେହେତୁ ଏହା ଲୋକ ମାନଙ୍କୁ ସେମାନେ ବ୍ୟବହାର କରୁଥିବା ଶକ୍ତି ସହିତ ଯୋଡ଼ୁଥିବା ଭାରତର ଶକ୍ତି ବ୍ୟବସ୍ଥାର ହୃଦୟରେ ଏକ ସ୍ୱତନ୍ତ୍ର ସ୍ଥାନ ଅକ୍ତିଆର କରିଛି। ଏହା ସାରା ଦେଶରେ ରାଷ୍ଟ୍ରୀୟ ଏବଂ ଆଞ୍ଚଳିକ ସ୍ତର ଗୁଡ଼ିକରେ ଗ୍ରୀଡ୍ ପରିଚାଳକ ମାନଙ୍କ ଦ୍ୱାରା ସମ୍ପାଦନ କରା ଯାଉଥିବା କାର୍ଯ୍ୟ ଗୁଡ଼ିକୁ ବର୍ଣ୍ଣନା କରିଥାଏ,’ ବୋଲି କହିଛନ୍ତି ଗ୍ରୀଡ୍ କଣ୍ଟ୍ରୋଲର ଅଫ୍ ଇଣ୍ଡିଆ ଲିମିଟେଡ୍ର ଅଧ୍ୟକ୍ଷ ଏବଂ ପରିଚାଳନା ନିର୍ଦ୍ଦେଶକ ଶ୍ରୀଯୁକ୍ତ ଏସ୍. ଆର୍. ନରସିହ୍ମନ୍। ‘ନାମରେ ପରିବର୍ତ୍ତନ ମଧ୍ୟ ସ୍ୱଚ୍ଛ ଶକ୍ତି ପରିବହନରେ ଆମେ ଯେଉଁ ଭୂମିକା ନିର୍ବାହ କରିଥାଉ ତାକୁ ପ୍ରତିଫଳିତ କରିବା ନିମନ୍ତେ କରାଯାଇଛି।’ ସେ ଆହୁରି ମଧ୍ୟ କହିଥିଲେ ଯେ , ଏକ ନବୀକୃତ ଶକ୍ତି ସହିତ ଆମେ ଆମର ଦୃଷ୍ଟିକୋଣ ଦ୍ୱାରା ପରିଚାଳିତ ହେବା ଚାଲୁ ରଖିଥିଲୁ, ଅର୍ଥାତ୍, ‘ମିତବ୍ୟୟିତା ଏବଂ ପରିପୋଷଣୀୟତାକୁ ପ୍ରୋତ୍ସାହିତ କରି ଦକ୍ଷ ବିଦ୍ୟୁତ୍ ଶକ୍ତି ବଜାରଗୁଡ଼ିକୁ ଆଗେଇ ନେଇ ନିର୍ଭରଯୋଗ୍ୟ ଏବଂ ନମନୀୟ ଶକ୍ତି ବ୍ୟବସ୍ଥାର ଉତ୍କୃଷ୍ଟ ବୈଶ୍ୱିକ ଅନୁଷ୍ଠାନରେ ପରିଣତ ହେବା ପାଇଁ’ ଆମର ଲକ୍ଷ୍ୟ ବହନ କରୁଥିଲୁ।
‘ଗ୍ରୀଡ୍ କଣ୍ଟ୍ରୋଲର ଅଫ୍ ଇଣ୍ଡିଆ ଲିମିଟେଡ୍ (ଗ୍ରୀଡ୍-ଇଣ୍ଡିଆ)’ ନ୍ୟାସନାଲ ଲୋଡ୍ ଡେସପ୍ୟାଚ୍ ସେଣ୍ଟର (ଏନଏଲଡିସି) ଏବଂ ପାଞ୍ଚ ଗୋଟି (୫) ଆଞ୍ଚଳିକ ଲୋଡ୍ ଡେସପ୍ୟାଚ୍ ସେଣ୍ଟର (ଆରଏଲଡିସି) ଗୁଡ଼ିକୁ ପରିଚାଳିତ କରିଥାଏ। ଗ୍ରୀଡ୍-ଇଣ୍ଡିଆ ମଧ୍ୟ ଶକ୍ତି କ୍ଷେତ୍ରରେ ସବୁଜ ଶକ୍ତି ମୁକ୍ତ ଉପଲବ୍ଧତା ପୋର୍ଟାଲ (ଗ୍ରୀନ୍ ଏନର୍ଜି ଓପନ ଆକସେସ୍ ପୋର୍ଟାଲ), ପୁନର୍ନବୀକରଣୀୟ ଶକ୍ତି ପ୍ରମାଣ ପତ୍ର (ଆରଇସି) ବ୍ୟବସ୍ଥା, ପାରଗମନ ମୂଲ୍ୟ ସ୍ଥିରୀକରଣ, ପରିବହନରେ ସ୍ୱଳ୍ପ କାଳୀନ ମୁକ୍ତ ଉପଲବ୍ଧତା, ବିଚ୍ୟୁତି ବନ୍ଦୋବସ୍ତ ବ୍ୟବସ୍ଥା (ଡେଭିଏସନ ସେଟଲମେଣ୍ଟ ମେକାନିଜମ୍), ଶକ୍ତି ବ୍ୟବସ୍ଥା ବିକାଶ ପାଣ୍ଠି (ପିଏସଡିଏଫ୍), ଇତ୍ୟାଦି ଭଳି ପ୍ରମୁଖ ସଂସ୍କାର ଗୁଡ଼ିକ ପାଇଁ ଅଧିକାର ପ୍ରାପ୍ତ ଶୀର୍ଷ ସ୍ତରୀୟ ଏଜେନ୍ସି।