ଗୁଜୁରାଟର ୭ ବିଦ୍ରୋହୀ ନେତାଙ୍କୁ ନିଲମ୍ବିତ କଲା ବିଜେପି, ସ୍ଵାଧୀନ ପ୍ରାର୍ଥୀ ଭାବେ କରିଥିଲେ ନାମାଙ୍କନ

Published: Nov 20, 2022, 2:25 pm IST

ନୂଆଦିଲ୍ଲୀ: ଗୁଜୁରାଟରେ ବିଧାନସଭା ନିର୍ବାଚନକୁ ନେଇ ଅନେକ ଉତ୍ସାହ ରହିଛି। ୨୭ ବର୍ଷ ଧରି ରାଜ୍ୟରେ ସରକାର ଚଳାଉଥିବା ବିଜେପିର ପ୍ରଦର୍ଶନ ଉପରେ ସମସ୍ତଙ୍କ ନଜର ରହିଛି। ଦଳ ପୁଣି ଥରେ ରାଜ୍ୟରେ ପଦ୍ମ ଫୁଟେଇବା ପାଇଁ ପୂର୍ଣ୍ଣ ବଳ ପ୍ରୟୋଗ କରୁଛି। କିନ୍ତୁ ବିଦ୍ରୋହୀ ନେତାମାନେ ପୁରା ଖେଳକୁ ନଷ୍ଟ କରିବାକୁ ଚେଷ୍ଟା କରୁଛନ୍ତି। ବିଦ୍ରୋହୀଙ୍କ ବିରୋଧରେ ଏବେ ବିଜେପି କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଗୁଜରାଟ ବିଜେପି ରାଜ୍ୟ ସଭାପତି ସିଆର ପାଟିଲ ଦଳ ବିରୋଧରେ ବିଦ୍ରୋହ କରିଥିବା ୭ ନେତାଙ୍କୁ ନିଲମ୍ବିତ କରିଛନ୍ତି।

ଦଳରୁ ଟିକେଟ୍ ନ ପାଇ ଏହି ନେତାମାନେ ସ୍ଵାଧୀନ ପ୍ରାର୍ଥୀ ଭାବେ ନାମାଙ୍କନ ଦାଖଲ କରିଛନ୍ତି। ଦଳରୁ ନିଲମ୍ବିତ ହୋଇଥିବା ନେତାଙ୍କ ମଧ୍ୟରେ ମଧୁ ଶ୍ରୀବାସ୍ତବ, ଅରବିନ୍ଦ ଲାଦାନି, ଦୀନୁ ପଟେଲ, ହର୍ଷଦ ବସବା ଏବଂ ଧୱଲ ସିଂ ଝାଲାଙ୍କ ସହିତ ୭ ଜଣ ନେତାଙ୍କ ନାମ ରହିଛି। ରାଜ୍ୟ ସଭାପତି ତାଙ୍କୁ ଦଳ ବିରୋଧରେ କାମ କରିବା ଅଭିଯୋଗରେ ନିଲମ୍ବିତ କରିଛନ୍ତି।

Related posts