ଭୁବନେଶ୍ବର: ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ଚିଠି ଲେଖିଛନ୍ତି। ତେବେ ଏହା କୌଣସି ରାଜନୈତିକ କାରଣ ନୁହେଁ ବଂର ଓଡିଶା ସ୍ବାର୍ଥ ପାଇଁ ନବୀନ ଏହି ଚିଠି ଲେଖିଛନ୍ତି। ସେ ମୁଖ୍ୟତଃ କେନ୍ଦୁପତ୍ର ପତ୍ର ଉପରୁ ଜିଏସଟି ଛାଡ କରିବା ପାଇଁ ସେ ସୀତାରମଣଙ୍କୁ ଏହି ଚିଠି ଲେଖିଛନ୍ତି।
ନବୀନ ଚିଠିରେ ଉଲ୍ଲେଖ କରିଛନ୍ତି ଯେ, କେନ୍ଦୁପତ୍ର ଉପରେ ବର୍ତ୍ତମାନ କେନ୍ଦ୍ର ସରକାର 18 ପ୍ରତିଶତ ଜିଏସଟି ଲାଗୁ କରିଛନ୍ତି। ଏହା ଠିକ ନୁହେଁ। କାରଣ କେନ୍ଦୁପତ୍ର ତୋଳାଳୀ ହେଉଛନ୍ତି ଗରୀବ ଶ୍ରେଣୀର ଲୋକ। ସେମାନେ ଏହି ପତ୍ର ତୋଳି ଗୁଜରାଣ ମେଣ୍ଟାଉଛନ୍ତି। ତେଣୁ ଏହା ଉପରୁ ଜିଏସଟି ଛାଡ କରିବାକୁ ଅର୍ଥମନ୍ତ୍ରୀ ନିଷ୍ପତି ନିଅନ୍ତୁ ବୋଲି ନବୀନ ଉଲ୍ଲେଖ କରିଛନ୍ତି।
