ପଦ୍ମପୁର: ଗତକାଲି ରାତିରେ କେତେକ ବିଜେପି କର୍ମୀ ନନ୍ଦିଘୋଷ ରିପୋର୍ଟରଙ୍କୁ ଆକ୍ରମଣ କରିଥିବାର ଅଭିଯୋଗ ହୋଇଛି। ଏ ନେଇ ପଦ୍ମପୁରରେ ସାମ୍ବାଦିକମାନେ ଉପଜିଲ୍ଲାପାଳଙ୍କୁ ଏକ ଲିଖିତ ଅଭିଯୋଗ କରିଛନ୍ତି। ସେମାନେ ଉଲ୍ଲେଖ କରିଛନ୍ତି ଯେ, ଉପନିର୍ବାଚନ ଖବର ସଂଗ୍ରହ ବେଳେ ବିଜେପି କର୍ମିମାନେ ସାମ୍ବାଦିକଙ୍କୁ ଟର୍ଗେଟ କରୁଛନ୍ତି। ଏ ନେଇ ଉପଜିଲ୍ଲାପାଳ ଉପଯୁକ୍ତ ପଦକ୍ଷେପ ଗ୍ରହଣ କରିବାକୁ ସେମାନେ ଲିଖିତ ଭାବେ ଅଭିଯୋଗ କରିଛନ୍ତି।
ଘଟଣାରୁ ପ୍ରକାଶ ଯେ, ଗତକାଲି ରାତିରେ ପାଇକମାଳ ଥାନାରେ ପୋଲିସଙ୍କ ଉପସ୍ଥିତିରେ ବିଜେପି କର୍ମିମାନେ ନନ୍ଦିଘୋଷ ସାମ୍ବାଦିକଙ୍କୁ ଆକ୍ରମଣ କରିଥିଲେ। ଏପରିକି ଜୀବନରେ ମାରିଦେବାକୁ ଧମକ ମଧ୍ୟ ଦେଇଥିଲେ। ଏହାପରେ ସେମାନଙ୍କ ବିରୋଧରେ ଏକ ଏଫଆଇଆର ଦିଆଯାଇଥିଲେ ମଧ୍ୟ ପୋଲିସ କୌଣସି ପଦକ୍ଷେପ ନେଇ ନ ଥିବାର ଜଣାପଡିଛି।