ନୂଆଦିଲ୍ଲୀ: କେନ୍ଦ୍ର ଶିକ୍ଷା ଓ କୌଶଳ ବିକାଶ ମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ “ପରୀକ୍ଷା ପେ ଚର୍ଚ୍ଚା ୨୦୨୩” ର ଷଷ୍ଠ ସଂସ୍କରଣରେ ଯୋଗଦେବା ପାଇଁ ଶିକ୍ଷକ, ଛାତ୍ରଛାତ୍ରୀ ଓ ଅଭିଭାବକଙ୍କୁ ଆମନ୍ତ୍ରଣ ଜଣାଇଛନ୍ତି।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହି ଅନନ୍ୟ ମତ ବିନିମୟ କାର୍ଯ୍ୟକ୍ରମ ପରୀକ୍ଷା ପେ ଚର୍ଚ୍ଚାର ପରିକଳ୍ପନା କରିଥିଲେ। ପରୀକ୍ଷା ଯୋଗୁଁ ହେଉଥିବା ଚାପରୁ ମୁକ୍ତ ଲାଭ କରି ଜୀବନକୁ ଏକ ଉତ୍ସବ ଭାବେ ପାଳନ କରିବା ପାଇଁ ଶିକ୍ଷକ, ଅଭିଭାବକ ଓ ବିଦ୍ୟାର୍ଥୀ ଦେଶ ଓ ଦେଶ ବାହାରୁ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିଥାନ୍ତି। ଶିକ୍ଷା ମନ୍ତ୍ରଣାଳୟ ଅଧୀନସ୍ଥ ବିଦ୍ୟାଳୟ ଶିକ୍ଷା ଓ ସାକ୍ଷରତା ବିଭାଗ ପକ୍ଷରୁ ଏହି କାର୍ଯ୍ୟକ୍ରମ ଗତ ପାଞ୍ଚ ବର୍ଷ ଧରି ସଫଳତାର ସହ ଆୟୋଜିତ ହୋଇ ଆସୁଛି।
ନବମରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀ, ଶିକ୍ଷକ ଶିକ୍ଷୟିତ୍ରୀ, ପିତାମାତା ଏକ ଅନଲାଇନ ସୃଜନଶୀଳ ଲିଖିତ ପ୍ରତିଯୋଗିତା ଭିତ୍ତିରେ ଏଥିରେ ଅଂଶଗ୍ରହଣ କରିବାକୁ ବଛା ହେବେ।
ଏଥିପାଇଁ https://innovateindia.mygov.in/ppc-2023/ପୋର୍ଟାଲ ନଭେମ୍ବର ୨୫ ତାରିଖଠାରୁ ପଞ୍ଜୀକରଣ ନିମନ୍ତେ ଖୋଲା ରହିଛି। ଏହା ଡିସେମ୍ବର ୩୦, ୨୦୨୨ ପର୍ଯ୍ୟନ୍ତ ଖୋଲା ରହିବ। ସେଥିପାଇଁ ବିଷୟବସ୍ତୁ ସମୂହ ନିମ୍ନରେ ପ୍ରଦତ୍ତ ହୋଇଛି।
ଛାତ୍ରଛାତ୍ରୀଙ୍କ ନିମନ୍ତେ ବିଷୟବସ୍ତୁ:
୧. ତୁମର ସ୍ୱାଧୀନତା ସଂଗ୍ରାମୀମାନଙ୍କୁ ଜାଣ
ତୁମ ରାଜ୍ୟ ବା ଅଞ୍ଚଳର ସ୍ୱାଧୀନତା ସଂଗ୍ରାମୀମାନଙ୍କ ଜୀବନ କାହାଣୀ ସମ୍ପର୍କରେ ତୁମେ କ’ଣ ଶୁଣିଛ । ସେମାନଙ୍କ ଜୀବନ କାହାଣୀରୁ ତୁମେ କ’ଣ ପ୍ରେରଣା ପାଇଛ ? ତୁମେ ଦେଶର ସେବା କିପରି କରିବାକୁ ଚାହଁ ?
୨. ଆମ ସଂସ୍କୃତି ଆମର ଗର୍ବ
ଆପଣଙ୍କ ରାଜ୍ୟର ସଂସ୍କୃତିର ବିଶେଷତ୍ୱ କ’ଣ ? ସେହି ସଂସ୍କୃତିର କେଉଁ ସବୁ ଉପାଦାନ ଆପଣଙ୍କୁ ଦେଶ ପାଇଁ ଗର୍ବିତ କରେ ?
୩. ମୋ ବହି ମୋର ପ୍ରେରଣା
କେଉଁ ବହି ଆପଣଙ୍କୁ ବିଶେଷ ଭାବେ ଅନୁପ୍ରାଣୀତ କରେ ଓ କାହିଁକି ?
୪. ଭବିଷ୍ୟତ ପିଢି ପାଇଁ ପରିବେଶ ବଞ୍ଚାନ୍ତୁ
ନିରନ୍ତର ବିକାଶ ସମ୍ପର୍କରେ ଆପଣଙ୍କ ଧାରଣା କ’ଣ ? ଜଳବାୟୁ ପରିବର୍ତ୍ତନ ଯୋଗୁଁ ଆମ ଭବିଷ୍ୟତ ପିଢି ପାଇଁ କ’ଣ ସବୁ ଆହ୍ୱାନ ଆପଣ ଆଶଙ୍କା କରନ୍ତି ? ଆମ ପରିବେଶ ସୁରକ୍ଷା ପାଇଁ ଆମେ କ’ଣ ସବୁ ପଦକ୍ଷେପ ନେଇପାରିବା ? ବିଦ୍ୟାର୍ଥୀଭାବେ ନିରନ୍ତର ବିକାଶ ନିମନ୍ତେ ଆପଣ କିପରି ଅବଦାନ ଦେଇପାରିବେ ?
୫.ମୋ ଜୀବନ, ମୋ ସ୍ୱାସ୍ଥ୍ୟ
ସୁସ୍ଥ ରହିବା କାହିଁକି ଗୁରୁତ୍ୱପୂର୍ଣ୍ଣ ? ଉତ୍ତମ ସ୍ୱାସ୍ଥ୍ୟ ପାଇଁ ଆପଣ କ’ଣ କରିବେ ?
୬. ମୋର ଷ୍ଟାର୍ଟଅପ ସ୍ୱପ୍ନ
ଜୀବନରେ ସଫଳତା ପାଇଁ ଛାତ୍ରଛାତ୍ରୀଙ୍କ ମଧ୍ୟରେ ଔଦ୍ୟୋଗିକ ଭାବନାର ବିକାଶ ପାଇଁ ଆତ୍ମ ନିର୍ଭରଶୀଳ ହେବା ଓ ତା’ ସହ ଦେଶର ଅର୍ଥ ବ୍ୟବସ୍ଥା ପ୍ରତି ଅବଦାନ ଓ କର୍ମ ସଂସ୍କୃତି ହେଉଛି ବର୍ତ୍ତମାନର ଆବଶ୍ୟକତା । ନିଜର ଷ୍ଟାର୍ଟଅପ୍ ପାଇଁ ଆପଣଙ୍କର କ’ଣ ସ୍ୱପ୍ନ ରହିଛି।
୭. ବିଜ୍ଞାନ, ପ୍ରଯୁକ୍ତି, ଯାନ୍ତ୍ରିକ, ବିଦ୍ୟା, ଗଣିତ (STEM) ଶିକ୍ଷା / ସୀମାହୀନ ଶିକ୍ଷା
NEP ୨୦୨୦ ଛାତ୍ରଛାତ୍ରୀଙ୍କୁ ବିଷୟ ବାଛିବା ନେଇ ନମନୀୟତା ପ୍ରଦାନ କରିଛି। ବିଦ୍ୟାର୍ଥୀମାନେ ନିଜ ଇଚ୍ଛା ଅନୁସାରେ ବିଷୟ ବାଛି ପାରିବେ। ନିଜର ରାସ୍ତା ନିଜେ ବାଛିବେ ଓ ନିଜର ଇଚ୍ଛା ମୁତାବକ ପେଶା ଆପଣାଇବେ। ବିଜ୍ଞାନ ଓ ଗଣିତ ବ୍ୟତୀତ ମଧ୍ୟ ଅନ୍ୟ ପନ୍ଥା ରହିଛି। ଆପଣ ଏଥିନେଇ କ’ଣ ଭାବନ୍ତି ? ଏପରି ଅବସ୍ଥାନ୍ତର ସୁପାରିସ୍ରେ କ’ଣ ସବୁ ଆହ୍ୱାନ ରହିଛି ? କ’ଣ ଆପଣଙ୍କ ପ୍ରସ୍ତାବ ?
ବିଦ୍ୟାଳୟରେ ଶିଖିବା ପାଇଁ ଖେଳଣା ଓ ଖେଳ
ଖେଳଣା ଓ ଖେଳ ମଧ୍ୟ ଶିଖିବାର ମାଧ୍ୟମ ହୋଇପାରିବ। ମାଧ୍ୟମିକ ସ୍ତରରେ ଖେଳଣା ଓ ଖେଳ ମାଧ୍ୟମରେ ବିଦ୍ୟାର୍ଥୀମାନେ ଶିକ୍ଷାଲାଭ ନେଇ ଆପଣ ନିଜର ମତାମତ ଲେଖନ୍ତୁ।
ଶିକ୍ଷକ ଶିକ୍ଷୟିତ୍ରୀଙ୍କ ପାଇଁ ବିଷୟବସ୍ତୁ:
୧. ଆମର ଐତିହ୍ୟ
ପିଲାମାନଙ୍କ ଶିକ୍ଷାର ସାମଗ୍ରିକ ବିକାଶ ନିମନ୍ତେ ‘ଭାରତୀୟ’ ପାରମ୍ପରିକ ଜ୍ଞାନ ଶିକ୍ଷାର ସାରମର୍ମ କ’ଣ ? ଆପଣଙ୍କ ବିଦ୍ୟାଳୟରେ ଏହି ଧାରଣାକୁ ସମନ୍ୱିତ କରି ଆପଣ କିପରି ଯୋଜନା କରିବେ ?
୨. ଶିକ୍ଷଣୀୟ ପରିବେଶ ସୃଷ୍ଟି
ଆପଣଙ୍କ ବିଦ୍ୟାର୍ଥୀମାନଙ୍କ ଭାବଗତ ଓ ମାନସିକ ସୁଧାର ସହ ଶ୍ରେଣୀ ଗୃହରେ ଏକ ସୁସ୍ଥ ଓ ଅନୁକୂଳ ବାତାବରଣ ସୃଷ୍ଟିକରିବାରେ ଜଣେ ଶିକ୍ଷକ ଭାବେ ଆପଣଙ୍କ ଭୂମିକା କ’ଣ ହେବା ଉଚିତ ? ସମସ୍ତ ବିଦ୍ୟାର୍ଥୀ ଯେପରି ଜ୍ଞାନ ଆହରଣ କରିବେ ସେଥିପାଇଁ ଆପଣ କାର୍ଯ୍ୟକ୍ରମ କିପରି ପରିଚାଳନା କରିବେ ? ପରସ୍ପର ମଧ୍ୟରେ ସମନ୍ୱୟ ରଖି ଶିକ୍ଷାଲାଭ ନେଇ ଆପଣଙ୍କ ଚିନ୍ତାଧାରା ଓ ମତ କ’ଣ ?
୩. କୁଶଳତା ଲାଭ ପାଇଁ ଶିକ୍ଷା
କୌଶଳ ଶିକ୍ଷା ଖୁବ୍ ଗୁରୁତ୍ୱପୂର୍ଣ୍ଣ । ଦେଶରେ କୌଶଳ ଶିକ୍ଷାପ୍ରବର୍ତ୍ତନ ପାଇଁ ସମଗ୍ର ଶିକ୍ଷା ପଦ୍ଧତିରେ ପରିବର୍ତ୍ତନର ଆବଶ୍ୟକତା ଥିବାବେଳେ, ମାଧ୍ୟମିକ ଛାତ୍ରଛାତ୍ରୀଙ୍କ ମଧ୍ୟରେ ବୃତ୍ତିଗତ ଶିକ୍ଷା ପ୍ରବର୍ତ୍ତନ ବର୍ତ୍ତମାନ ଆବଶ୍ୟକ ହୋଇପଡିଛି । ଅନେକ ବିଦ୍ୟାର୍ଥୀ ଶିକ୍ଷା /ଉଚ୍ଚ ଶିକ୍ଷା ପାଇଁ ଆଗ୍ରହ ପ୍ରକାଶ ନ କରି ବରଂ ଜୀବନରେ ଅଗ୍ରସର ହେବା ପାଇଁ ଅନ୍ୟାନ୍ୟ ବାଟ ଖୋଜୁଛନ୍ତି । ଏହି ପରିପ୍ରେକ୍ଷୀରେ ଆପଣଙ୍କ ଚିନ୍ତାଧାରା କ’ଣ?
୪. କମ୍ ପାଠ୍ୟକ୍ରମ ବୋଝ ଓ ଭୟହୀନ ପରୀକ୍ଷା
ବିଦ୍ୟାର୍ଥୀମାନେ ପରୀକ୍ଷାମୂଳକ ଓ ପ୍ରକଳ୍ପ ଭିତ୍ତିକ ଶିକ୍ଷାଲାଭ କରିବେ । ସେମାନେ କ’ଣ ଶିଖିବେ ଓ କିପରି ଶିଖିବେ ତା’ ଉପରେ ଆତ୍ମବିଶ୍ୱାସ ଆସିଲେ ସେମାନଙ୍କ ପରୀକ୍ଷାଜନିତ ଭୟ ମଧ୍ୟ ହ୍ରାସ ପାଇବ ।
ଜଣେ ଶିକ୍ଷକ ହିସାବରେ ଏନ୍ଇପି-୨୦୨୦ ପରିପ୍ରେକ୍ଷୀରେ ଆପଣ ଏହାକୁ ତ୍ୱରାନ୍ୱିତ କରିବା ପାଇଁ କ’ଣ ପଦକ୍ଷେପ ନେବେ ?
୫. ଭବିଷ୍ୟତ ଶିକ୍ଷାର ଆହ୍ୱାନ
ଆପଣଙ୍କ ମତରେ ସାମ୍ପ୍ରତିକ ଶିକ୍ଷାର ଆହ୍ୱାନ ଗୁଡିକ କ’ଣ ? କିପରି ବିଦ୍ୟାଳୟ, ଶିକ୍ଷକ ଓ ଅଭିଭାବକ ପରିବର୍ତ୍ତନ ସହିତ ପିଲାମାନଙ୍କୁ ଖାପ ଖୁଆଇବା ପାଇଁ ଚେଷ୍ଟା କରିବା ଉଚିତ ?
ମାତା ପିତାଙ୍କ ପାଇଁ ବିଷୟ ବସ୍ତୁ
୧. ମୋ ପିଲା, ମୋ ଶିକ୍ଷକ
ଏମିତି କି କି ଆମୋଦ ଦାୟକ କଥା ଅଛି ଯେ ଆପଣଙ୍କ ପିଲା ଆପଣଙ୍କୁ ଶିକ୍ଷା ଦେଇଛି ? ଆପଣ ଏଥିରୁ କ’ଣ ଶିଖି ଉପଯୋଗ ମଧ୍ୟ କରିଛନ୍ତି ? ଆମ ପିଲାମାନଙ୍କ ଖୁସିର ଉପଯୋଗ କରିବା କାହିଁକି ଗୁରୁତ୍ୱପୂର୍ଣ୍ଣ ?
୨. ପୌଢ ଶିକ୍ଷା–ପ୍ରତ୍ୟେକଙ୍କୁ ସାକ୍ଷର କରିବା
ଆପଣଙ୍କ ଦୃଷ୍ଟିରେ ପୌଢ ଶିକ୍ଷା କ’ଣ ପାଇଁ ଗୁରୁତ୍ୱପୂର୍ଣ୍ଣ। ଏହା କିପରି ଦେଶକୁ ସଶକ୍ତ କରିବ? ପିଲାମାନେ କିପରି ବୟସ୍କମାନଙ୍କୁ ଆଧୁନିକ ସମସ୍ୟା ଅବଗତ ହେବାରେ ସାହାଯ୍ୟ କରିବେ।
୩. ଶିଖିବା ଓ ଏକାଠି ଆଗକୁ ବଢିବା
ପିଲା ବିଦ୍ୟାଳୟରେ ଆହରଣ କରିବା ଜ୍ଞାନ ନେଇ ପିଲାଙ୍କୁ ଘରେ ଆପଣ କିପରି ଆଦର କରିବେ ? ଆପଣଙ୍କ ପିଲାର ସୁସ୍ଥ ବାତାବରଣ ଶିକ୍ଷା ନେଇ ଆପଣ ଏକ ସୃଜନାତ୍ମକ ଟିପ୍ପଣୀ ଲେଖନ୍ତୁ।
ପ୍ରତିଯୋଗିତା ଭିତ୍ତିରେ ବଛାଯାଇଥିବା ପ୍ରାୟ ୨୦୫୦ ଛାତ୍ରଛାତ୍ରୀ, ଶିକ୍ଷକ- ଶିକ୍ଷୟିତ୍ରୀ ଓ ମାତାପିତାଙ୍କୁ ଏନସିଇଆରଟି ନିର୍ଦ୍ଦେଶକଙ୍କ ପକ୍ଷରୁ ପିପିପି କିଟ୍ସ ଓ ପ୍ରଶଂସା ପ୍ରମାଣପତ୍ର ଉପହାର ସ୍ୱରୂପ ପ୍ରଦାନ କରାଯିବାର ସମ୍ଭାବନା ରହିଛି।