ଆନ୍ଧ୍ର ପ୍ରଦେଶରେ ନୂଆ ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିବେ ଓ୍ୱାଇଏସଆର୍ କଂଗ୍ରେସ ସଭାପତି ଜଗନ ରେଡ୍ଡୀ। ଶନିବାର ଦିନ ଓ୍ୱାଇଏସଆର୍ କଂଗ୍ରେସର ଅଧ୍ୟକ୍ଷ ଜଗନ ମୋହନ ରେଡ୍ଡି ସର୍ବସମ୍ମତି କ୍ରମେ ବିଧାୟକ ଦଳର ନେତା ଭାବରେ ନିର୍ବାଚିତ ହୋଇଛନ୍ତି। ଲୋକସଭା ନିର୍ବାଚନୀ ଫଳାଫଳରେ ଯେତେବେଳ ସମସ୍ତ ଫୋକ୍ସ୍ ବିଜେପି ଉପରେ ରହିଥିଲା, ସେତେବେଳ ଆନ୍ଧ୍ରପ୍ରଦେଶର ବିଧାନସଭା ଫଳାଫଳ ସମସ୍ତଙ୍କୁ ଆଶ୍ଚର୍ଯ୍ୟଚକିତ କରିଦେଇଛି । ଆନ୍ଧ୍ରପ୍ରଦେଶରେ ହୋଇଥିବା ବିଧାନସଭା ନିର୍ବାଚନରେ ଶାସନରେ ଥିବା ଟିଡିପକୁ ଓ୍ବାଇଏସ୍ଆର୍ କଂଗ୍ରେସ ବହୁମତ ଦ୍ବାରା ଗାଦିଚ୍ୟୁତ କରିଦେଇଥିଲା । ନିର୍ବାଚନ ଆୟୋଗଙ୍କ ରିପୋର୍ଟ ଅନୁସାରେ ଓ୍ବାଇଏସ୍ଆର୍ କଂଗ୍ରେସ ୧୭୫ ବିଧାନସଭା ଆସନରୁ ୧୫୨ଟି ଆସନ ଜିତିଥିଲା । ତେଲୁଗୁ ଦେଶମ୍ ପାର୍ଟିର ଅବସ୍ଥା ବେଶ୍ ନିରାଶଜନକ ରହିଥିଲା । ସେହିପରି ରାଜ୍ୟରେ ୨୫ ସାଂସଦ ଆସନରୁ ଓ୍ୱାଇଏସଆର୍ ୨୨ଟି ଏବଂ ଟିଡିପି ୩ଟି ଆସନ ପାଇଛନ୍ତି। ଏହି ଅବସରରେ ଜଗନ ମୋହନ କହିଛନ୍ତି ଯେ, ଚନ୍ଦ୍ରବାବୁଙ୍କୁ ଭଗବାନ ଦଣ୍ଡ ଦେଇଛନ୍ତି । ୨୦୧୪ରେ ଚନ୍ଦ୍ରବାବୁ ଓ୍ବାଇଏସ୍ଆର୍ କଂଗ୍ରେସର ୨୩ ଜଣ ବିଧାୟକଙ୍କୁ କିଣି ନେଇଥିଲେ । ସେହିପରି ୩ଜଣ ସାଂସଦଙ୍କୁ ମଧ୍ୟ ଅବୈଧ ରୂପେ ହଟାଇଥିଲେ । ଚଳିତ ଥର ଟିଡିପି ଲୋକସଭାରେ ୩ଟି ଆସନ ଓ ବିଧାନସଭାରେ ୨୩ଟି ଆସନ ପାଇଛି ।
jagan mohan