ଦିଲ୍ଲୀ: ନ୍ୟାସନାଲ ମନିଟାଇଜେସନ୍ ପାଇପଲାଇନ (ଏମ୍ଏନ୍ପି) ଅନୁଯାୟୀ, ଭାରତୀୟ ବିମାନ ବନ୍ଦର ପ୍ରାଧିକରଣ (ଏଏଆଇ) ୨୫ଟି ବିମାନ ବନ୍ଦର, ଯଥା – ଭୁବନେଶ୍ୱର, ବାରଣାସୀ, ଅମୃତସର, ତ୍ରିଚି, ଇନ୍ଦୋର, ରାୟପୁର, କାଲିକଟ, କୋଏମ୍ବାଟୁର, ନାଗପୁର, ପାଟନା, ମଦୁରାଇ, ସୁରଟ, ରାଂଚିି, ଯୋଧପୁର, ଚେନ୍ନାଇ, ବିଜୟୱାଡା, ଭଦୋଦରା, ଭୋପାଳ, ତିରୁପତି, ହୁବଳି, ଇମ୍ଫାଲ, ଅଗରତାଲା, ଉଦୟପୁର, ଡେରାଡୁନ୍ ଏବଂ ରାଜମହେନ୍ଦ୍ରି ବିମାନ ବନ୍ଦରକୁ ୨୦୨୨ ରୁ ୨୦୨୫ ମଧ୍ୟରେ ଲିଜ୍ ଆକାରରେ ଦେବା ପାଇଁ ନିର୍ଦ୍ଧାରିତ କରିଛନ୍ତି।
କାର୍ଯ୍ୟ, ପରିଚାଳନା ଏବଂ ବିକାଶ ପାଇଁ ଏଏଆଇ ଏହାର ଆଠଟି ବିମାନବନ୍ଦରକୁ ସରକାରୀ ଘରୋଇ ଭାଗୀଦାରୀତା (ପିପିପି) ଆଧାରରେ ଦୀର୍ଘକାଳୀନ ଭିତ୍ତିରେ ଲିଜ୍ ଆକାରରେ ଦେଇସାରିଛି। ରିହାତି ପାଉଥିବା ବିମାନ ବନ୍ଦର ସହିତ ବିମାନ ବନ୍ଦର ଗୁଡିକର ବିବରଣୀ ସମ୍ପର୍କରେ ନିମ୍ନରେ ପ୍ରଦାନ କରାଯାଇଛି:
(୧) ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦର, ଦିଲ୍ଲୀ – ମେସର୍ସ ଦିଲ୍ଲୀ ଆନ୍ତର୍ଜାତୀୟ ବିମାନ ବନ୍ଦର ଲିମିଟେଡ୍ (ଡିଆଇଏଏଲ୍)।
(୨) ଛତ୍ରପତି ଶିବାଜୀ ମହାରାଜ ଅନ୍ତର୍ଜାତୀୟ ବିମାନ ବନ୍ଦର, ମୁମ୍ବାଇ – ମେସର୍ସ ମୁମ୍ବାଇ ଅନ୍ତର୍ଜାତୀୟ ବିମାନ ବନ୍ଦର ଲିମିଟେଡ୍ (ଏମ୍ଆଇଏଏଲ୍)।
(୩) ଚୌଧୁରୀ ଚରଣ ସିଂହ ଅନ୍ତର୍ଜାତୀୟ ବିମାନ ବନ୍ଦର, ଲକ୍ଷ୍ନୌ – ମେସର୍ସ ଲକ୍ଷ୍ନୌ ଅନ୍ତର୍ଜାତୀୟ ବିମାନ ବନ୍ଦର ଲିମିଟେଡ୍ (ଏଲ୍ଆଇଏଏଲ୍)।
(୪) ସର୍ଦ୍ଦାର ବଲ୍ଲଭଭାଇ ପଟେଲ ଅନ୍ତର୍ଜାତୀୟ ବିମାନ ବନ୍ଦର, ଅହମ୍ମଦାବାଦ – ମେସର୍ସ ଅହମ୍ମଦାବାଦ ଅନ୍ତର୍ଜାତୀୟ ବିମାନ ବନ୍ଦର ଲିମିଟେଡ୍ (ଏଆଇଏଏଲ୍)।
(୫) ମାଙ୍ଗାଲୁରୁ ଅନ୍ତର୍ଜାତୀୟ ବିମାନ ବନ୍ଦର – ମେସର୍ସ ମାଙ୍ଗାଲୁରୁ ଅନ୍ତର୍ଜାତୀୟ ବିମାନ ବନ୍ଦର ଲିମିଟେଡ୍ (ଏମ୍ଏଆଇଏଏଲ୍)।
(୬) ଜୟପୁର ଅନ୍ତର୍ଜାତୀୟ ବିମାନ ବନ୍ଦର – ମେସର୍ସ ଜୟପୁର ଅନ୍ତର୍ଜାତୀୟ ବିମାନ ବନ୍ଦର ଲିମିଟେଡ୍ (ଜେଆଇଏଏଲ୍)।
(୭) ଲୋକପ୍ରିୟ ଗୋପୀନାଥ ବରଦୋଲାଇ ଅନ୍ତର୍ଜାତୀୟ ବିମାନ ବନ୍ଦର, ଗୌହାଟୀ – ମେସର୍ସ ଗୌହାଟୀ ଅନ୍ତର୍ଜାତୀୟ ବିମାନ ବନ୍ଦର ଲିମିଟେଡ୍ (ଜିଆଇଏଏଲ୍)।
(୮) ଥିରୁବନ୍ତପୁରମ୍ ଅନ୍ତର୍ଜାତୀୟ ବିମାନ ବନ୍ଦର – ମେସର୍ସ ଟିଆର୍ବି – କେରଳ ଅନ୍ତର୍ଜାତୀୟ ବିମାନ ବନ୍ଦର ଲିମିଟେଡ୍ (ଟିଆଇଏଏଲ୍)।
ବେସରକାରୀ କ୍ଷେତ୍ରର ଦକ୍ଷତା ଏବଂ ବିନିଯୋଗକୁ ବ୍ୟବହାର କରି ସେଗୁଡିକର ଉତ୍ତମ ପରିଚାଳନା ପାଇଁ ଏଏଆଇ ବିମାନ ବନ୍ଦର ଗୁଡିକୁ ଜନସାଧାରଣଙ୍କ ସ୍ୱାର୍ଥରେ ଲିଜ୍ ଆକାରରେ ଦିଆ ଯାଇଥାଏ। ଯାତ୍ରୀମାନେ ସରକାରୀ ଘରୋଇ ଭାଗୀଦାରୀ ଅନୁଯାୟୀ ଲିଜ୍ ଆକାରରେ ବିମାନ ବନ୍ଦରର ସଂଚାଳନ, ପରିଚାଳନା ଏବଂ ବିକାଶ କରୁଥିବା ଘରୋଇ ଭାଗୀଦାର ମାନଙ୍କ ଦ୍ୱାରା ନିର୍ମିତ ବିମାନ ବନ୍ଦରର ଭିତ୍ତିଭୂମି ସଂରଚନା ଏବଂ ସୁବିଧା ଗୁଡିକର ଅନ୍ତିମ ଲାଭାର୍ଥୀ ଅଟନ୍ତି। ବିମାନ ବନ୍ଦର ଗୁଡିକ ଅର୍ଥନୈତିକ କାର୍ଯ୍ୟକଳାପ ଗୁଡିକର କେନ୍ଦ୍ର ଭାବରେ ଉଭା ହୋଇଛି ଏବଂ ରାଜ୍ୟର ଅର୍ଥ ବ୍ୟବସ୍ଥା ଉପରେ ଏହାର ବହୁତ ପ୍ରଭାବ ରହିଛି। ଏଏଆଇ ଦ୍ୱାରା ଲିଜ୍ ଦିଆ ଯାଇଥିବା ବିମାନ ବନ୍ଦର ଗୁଡିକରୁ ପ୍ରାପ୍ତ ରାଜସ୍ୱ ମଧ୍ୟ ଦେଶର ବିମାନ ବନ୍ଦର ଭିତ୍ତିଭୂମି ବିକାଶରେ ଉପଯୋଗ ହୋଇଥାଏ।
ଆଜି ରାଜ୍ୟସଭାରେ ଏକ ପ୍ରଶ୍ନର ଲିଖିତ ଉତ୍ତରରେ ବେସାମରିକ ବିମାନ ଚଳାଚଳ ରାଷ୍ଟ୍ର ମନ୍ତ୍ରୀ ଜେନେରାଲ୍ (ଡଃ) ଭି କେ ସିଂ (ଅବସରପ୍ରାପ୍ତ) ଏହି ସୂଚନା ଦେଇଛନ୍ତି।